Don't Miss!
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
శంభో శంకరకు కలెక్షన్ల జోష్.. షకలక శంకర్ ‘పవర్’ ఫెర్ఫార్మెన్స్కు..
Recommended Video
కమెడియన్ షకలక శంకర్ హీరోగా మారి నటించిన శంభో శంకర చిత్రానికి మాస్ ప్రేక్షకుల నుంచి మంచి స్పందన వ్యక్తమవుతున్నది. టీజర్లు, ట్రైలర్లకు మంచి రెస్పాన్స్ రావడంతో ఈ చిత్రాన్ని తెలుగు రాష్ట్రాల్లో ఎక్కువ థియేటర్లలో రిలీజ్ చేశారు. హీరోగా శంకర్కు తొలి సినిమా అయినప్పటికీ బాక్సాఫీస్ వద్ద మంచి కలెక్షన్లను రాబడుతున్నట్టు ట్రేడ్ వర్గాలు వెల్లడించాయి. ఈ చిత్రం మంచి విజయం సాధించిందని చిత్ర యూనిట్ ప్రత్యేకంగా ఓ పోస్టర్ను రిలీజ్ చేశారు.
పాజిటివ్ రెస్పాన్స్తో
శంభో శంకర చిత్రానికి పాజిటివ్ రెస్సాన్స్ వస్తున్నది. మంచి కలెక్షన్లను సాధిస్తున్నది. తొలి రోజే ప్రపంచవ్యాప్తంగా రూ.2.05 కోట్లు సాధించింది. ఈ చిత్రాన్ని ఆదరించిన తెలుగు ప్రేక్షక దేవుళ్లకు ధన్యవాదాలు అంటూ నిర్మాత సురేష్ కొండేటి ఓ ప్రకటనలో తెలిపారు. వై రమణారెడ్డితో కలిసి సురేష్ కొండేటి ఈ చిత్రాన్ని నిర్మించిన సంగతి తెలిసిందే.
తొలిరోజు కలెక్షన్లు
శంభో శంకర్ చిత్రాన్ని 585 థియేటర్లలో రిలీజ్ చేశాం. మొదటి రోజు మా చిత్రం 2 కోట్ల 5 లక్షల 18 వేల 125 రూపాయల గ్రాస్ కలెక్షన్లను వసూలు చేసింది. ఈ కలెక్షన్ల సునామీని ఎవరూ ఆపలేరు అని పోస్టర్లో పేర్కొన్నారు.
కథ రొటీనే.. కానీ
రొటీన్ కథను తీసుకొని షకలక శంకర్ ఇమేజ్కు తగినట్టుగా మాస్ హంగులు చేర్చి శంభో శంకర చిత్రాన్ని రూపొందించారు. ఈ చిత్రానికి శ్రీధర్ దర్శకుడు. రైతుల సమస్యలు, ఇతర సామాజిక సమస్యల ఇతివృత్తంతో ప్రేక్షకులను దర్శకుడు మెప్పించే ప్రయత్నం చేశారు.
మాస్ ప్రేక్షకుల ఆదరణ
జూన్ 29న ప్రేక్షకుల ముందుకు వచ్చిన శంభో శంకర చిత్రంపై మిశ్రమ స్పందన వ్యక్తమవుతున్నది. మాస్ ప్రేక్షకుల నుంచి పాజిటివ్ రెస్పాన్స్ వస్తున్నదని చిత్ర యూనిట్ పేర్కొన్నది. వారాంతంలో మంచి కలెక్షన్లు సాధించే అవకాశం ఉందనే అభిప్రాయాన్ని వ్యక్తం చేసింది.