Don't Miss!
- News కడపలో వైఎస్ షర్మిలకు ప్లస్ గా వైఎస్ వివేకా సతీమణి సౌభాగ్యమ్మ లేఖాస్త్రం!!
- Finance Gold Price: షాకిస్తున్న బంగారం ధర.. తగ్గినట్లే తగ్గి మళ్లీ పెరిగిన గోల్డ్ ప్రైస్..
- Automobiles వెనుక నుంచి ఢీ కొట్టిన ట్రక్.. ప్రమాదానికి గురైన Hyundai Exter - వీడియో
- Sports SRHను చూస్తే భయమేస్తోంది- పాక్ దిగ్గజం
- Technology కొత్త సబ్స్క్రిప్షన్ ప్లాన్లను విడుదల చేసిన జియో సినిమా... యాడ్ ఫ్రీ, 4K కంటెంట్ సహా అనేక ప్రయోజనాలు..!
- Lifestyle బీట్రూట్ జ్యూస్ తాగితే ఇన్ని ప్రయోజనాలా..? వారంపాటు తాగితే ఎలాంటి ఫలితముంటుందంటే..?
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రవితేజ కెరీర్ మొత్తంలో ఇలా ఎప్పుడూ జరగలేదు, ఇదే తొలిసారి
హైదరాబాద్ : హీరోగా రవితేజ ఎంట్రీ ఇచ్చిన తర్వాత ఒక్క సంవత్సరం కూడా సినిమా చేయకుండా లేడు. ఆయన సినిమా విడుదల కాని సంవత్సరం లేదు. అయితే తొలిసారిగా 2016 లో ఆయన చిత్రం ఒక్కటీ కూడా రిలీజ్ అయ్యే వాతావరణం కనపడటం లేదు. గతంలో వరసపెట్టి ఏడాదికి రెండు నుంచి మూడు చిత్రాలు చేసిన రవితేజ ఈ సంవత్సరం ఒక్కటి కూడా రిలీజ్ చేయలేని సిట్యువేషన్ లో పడటం ఆయన అభిమానులను బాధపెడుతోంది.
వాస్తవానికి ఈ సంవత్సరం ఎవడో ఒకడు టైటిల్ తో దిల్ రాజు ప్రొడక్షన్ లో ఓ చిత్రం చేసి ఈ సంవత్సరం రిలీజ్ చేయాలని నిర్ణయించారు. కానీ నిర్మాతకు, హీరోకు మధ్య వచ్చిన డిఫెరెన్సెన్స్ లతో ప్రాజెక్టు పట్టాలెక్కలేదు.
ఆ తర్వాత కొత్త దర్శకుడు చక్రి దర్శకత్వంలో రాబిన్ హుడ్ అనే చిత్రం పట్టాలు ఎక్కుతుందని ప్రకటన వచ్చింది. ఈ సంవత్సరం ప్రారంభంలో ఆ సినిమా ప్రారంభం అవుతుందనుకున్నారు. కానీ జూలైలోకి వచ్చినా ఇంకా షూటింగే ప్రారంభం కాలేదు.
అలాగే ఇప్పుడు రవితేజ..సర్దార్ గబ్బర్ సింగ్ దర్శకుడు బాబితోనూ,రమేష్ వర్మతోనూ రెండు ప్రాజెక్టులకు కథలు ఓకే చేసారు. వచ్చే నెలలో వీటిలో ఏదైనా ప్రారంభమైనా ఈ సంవత్సరం అన్ని పనులు పూర్తి చేసుకుని రిలీజ్ అవటం కష్టమే. వచ్చే సంవత్సరం దాకా ఆగాల్సిందే. అంటే ఈ సంవత్సరం ఒక్క రిలీజ్ కూడా రవితేజ సినిమా లేదన్నమాట. ఇలా రవితేజ కెరీర్ లో జరగటం ఇదే తొలిసారి అంటున్నారు.