అరుంధతిని అంతకిచ్చేస్తారా?

By Staff

Published: Wednesday, February 18, 2009, 9:33 [IST]

అరుంధతి శాటిలైట్ బిజినెస్ లో ఓ వెరైటీ చోటుచేసుకుంది. మొదట సంవత్సరం క్రితం శ్యామ్ ప్రసాద్ ఈ సినిమా శాటిలైట్ రైట్స్ ని ఓ తెలుగు సినీ ప్రముఖుడుకి కోటి రూపాయలు నెట్ క్యాష్ కి ఇచ్చేసారు. అయితే రిలీజ్ కు పదిహేను రోజుల ముందు అరుంధతి ప్రాజెక్టుపై పూర్తి స్ధాయి నమ్మకం రావటంతో శ్యామ్ ఆయనకు ఫోన్ చేసి తానే సొంతంగా సినిమా రిలీజ్ చేస్తున్నానని అందుకని శాటిలైట్ రైట్స్ తనకివ్వమని అడిగారు. దానికాయన లాభం ఇస్తే ఇస్తానన్నాడు. మొత్తానికి కోటి ముఫ్ఫై ఐదు లక్షలకు బేరం కుదుర్చుకుని తిరిగి ఆ రైట్స్ శ్యామ్ తీసుకున్నారు. ఆ పెద్దాయన ఏడాదిలో తన కోటి...ముఫ్పై ఐదు లక్షలు లాభం తెచ్చినందుకు తెగ సంతోషపడ్డారు.

ఇక రిలీజైన పదిహేను రోజులు తర్వాత భారీ ఎత్తున కురుస్తున్న కలెక్షన్స్ వర్షం చూసిన ఆ ప్రముఖుడు మళ్ళీ ఫోన్ చేసి శ్యామ్ ని శాటిలైట్ రైట్స్ తనకివ్వమని అడిగారు. దానికి శ్యామ్ ఏడు కోట్ల ఎమౌంట్ చెప్పారు. ఆ పెద్దాయన ఒప్పుకోకపోవటంతో ఆ రైట్స్ శ్యామ్ దగ్గరే ఉన్నాయి. అయితే ఇప్పటికే పలు ఛానెల్స్ ఫ్యాన్సీ ఆఫర్స్ తో శ్యామ్ ని సంప్రదిస్తూండటంతో ఆయన మంచి రేటు దగ్గర ఆగాక అమ్ముదామనే నిర్ణయానికి వచ్చారు. ఇక అరుంధతి ఇప్పటికే తన పెట్టుబడిని దాటి కలెక్టు చేసినట్లు సమాచారం.

ఈ సినిమా నిర్మాతకే కాక అరుంధతి గా వేసిన అనూష్క కెరీర్ కి సైతం లాభం తెచ్చిపెట్టింది. ఈ సినిమా హిట్టుని పురస్కరించుకుని అనూష్క దాదాపు కోటి వరకూ తన రెమ్యునేషన్ ని పెంచినట్లు సమాచారం. ఇక ఈ సినిమా వల్ల పెద్దగా ఉపయోగపడని టెక్నీషియన్ దర్శకుడు కోడి రామకృష్ణ. ఆయన పెరుని పెద్దగా హైలెట్ చేయకపోవటంతో ఆయనకు ఈ సినిమా తెచ్చిన ఆఫర్స్ ఏమీలేకపోవం విశేషం.

More from Filmibeat