Don't Miss!
- Automobiles మండే వేసవిలో ట్రాఫిక్ పోలీసులకు చల్లచల్లని ఏసీ హెల్మెట్లు.. ఎక్కడో తెలుసా.??
- News డబ్బులేమైనా చెట్లకు కాస్తాయా?: ఉచితాలపై వెంకయ్య నాయుడు
- Finance Gold Rate: గుడ్న్యూస్.. కుప్పకూలిన పసిడి ధర.. నేడు రూ.15,300 తగ్గిన గోల్డ్ రేటు..
- Travel Hanuman Jayanti 2024 : ఢిల్లీలోని ఈ పురాతన హనుమాన్ దేవాలయాలను చూడాల్సిందే..!
- Sports జైస్వాల్.. వాళ్లపై ఎందుకంత కక్ష?- సునీల్ గవాస్కర్
- Lifestyle Mango Tea: ఇకపై తొక్కేకదా అని పారేయకండి.. ఇలా టీ చేసుకుని తాగండి..శరీరంలో జరిగే అద్భుతాలు చూడండి..
- Technology శాంసంగ్ స్మార్ట్ఫోన్ డిస్ప్లేలో గ్రీన్ లైన్ కనిపిస్తోందా.. అయితే ఉచితంగా స్క్రీన్ రీప్లేస్ చేస్తారు...
ఆ సినిమా హిట్ అని ఎవరన్నారు... భారీగా నష్టాలే!
‘సింగం 3’ థియేట్రికల్ రైట్స్ రూ. 90 కోట్లకు అమ్ముడవ్వగా.... బాక్సాఫీసు వద్ద కేవలం రూ. 60 కోట్లు మాత్రమే వసూలు చేసింది. బయ్యర్లకు 2/3 వంతు మాత్రమే రికవరీ అయింది. సినిమాకు మంచి టాకే వచ్చినా ఇలా నష్టాలు
హైదరాబాద్: సూర్య-హరి కాంబినేషన్లో వచ్చే 'సింగం' సిరీస్ సినిమాలకు ఎంత డిమాండ్ ఉందో ప్రత్యేకంగా చెప్పక్కర్లేదు. ఈ సీరీస్ లో వచ్చిన తొలి రెండు భాగాలు బాక్సాఫీసు వద్ద భారీ విజయం సాధించాయి. ఈ నేపథ్యంల ఇటీవల విడుదలైన సింగం-3 సినిమా భారీ అంచనాలతో విడుదలైంది.
సినిమా విడుదలై బాక్సాఫీసు వద్ద మంచి ఓపెనింగ్సే సాధించింది. తెలుగు కంటే తమిళంలో రెస్పాన్స్ బాగానే వచ్చింది. దీంతో సినిమా భారీ లాభాలు తెస్తుందని ఆశించారు. అయితే సినిమా ఫుల్ రన్ లో బయ్యర్లకు భారీ నష్టాలే మిగిల్చిందని తాజాగా తేలిసింది.
100 కోట్ల బిజినెస్
తన సొంత నిర్మాణ సంస్థపై ‘24' సినిమాను నిర్మించిన సూర్య ఆ సినిమా వల్ల భారీగా నష్టపోయాడు. దీంతో సింగం-3 సినిమాపై ఉన్న క్రేజ్ ను క్యాష్ చేసుకుని నష్టాలను భర్తీ చేసుకున్నాడు. థియేట్రికల్ రైట్స్, శాటిలైట్ రైట్స్ కలిపి దాదాపు 100 కోట్ల బిజినెస్ జరిగింది.
తెలుగు, తమిళంలో 90 కోట్లు
తెలుగు, తమిళంలో థియేట్రికల్ రైట్స్ రూపంలో ఈ చిత్రం రూ. 90 కోట్ల బిజినెస్ జరిగింది. కేవలం సినిమాపై ఉన్న క్రేజ్ అడ్డు పెట్టుకుని బయ్యర్లకు సినిమాను భారీ ధరకు అమ్మారు.
ఫుల్ రన్ లో భారీ నష్టాలు
ఈ సినిమా థియేట్రికల్ రైట్స్ రూ. 90 కోట్లకు అమ్ముడవ్వగా.... బాక్సాఫీసు వద్ద కేవలం రూ. 60 కోట్లు మాత్రమే వసూలు చేసింది. బయ్యర్లకు 2/3 వంతు మాత్రమే రికవరీ అయింది. సినిమాకు మంచి టాకే వచ్చినా ఇలా నష్టాలు రావడం అందరినీ షాక్ కు గురి చేసింది.
తెలుగులో నష్టం
ఈ చిత్రాన్ని తెలుగులో మల్కాపురం శివ కుమార్ రూ. 18 కోట్లకు కొన్నారు. కానీ సినిమా ఫుల్ రన్ లో రూ. 11 కోట్లు మాత్రమే వసూలు చేసింది. దీంతో ఆయనకు కూడా భారీ నష్టాలు తప్పలేదు.
అదే ఎఫెక్ట్
డిసెంబర్లో విడుదలవ్వాల్సిన సినిమా అనేక సార్లు వాయిదా పడటం, చివరకు ఫిబ్రవరిలో రిలీజ్ అవ్వడం, అదే సమయంలో పరీక్షల సీజన్ మొదలవ్వడం లాంటివన్నీ మంచి టాక్ వచ్చినా సినిమా కలెక్షన్లపై ప్రభావం చూపినట్లు స్పష్టమవుతోంది.