Sitaare Day 3 Ccollections: సితారే జమీన్ పర్ సినిమాకు షాకింగ్ కలెక్షన్లు.. అమీర్ మూవీకి ఎన్ని కోట్లంటే?

Updated: Monday, June 23, 2025, 0:00 [IST]

ప్రముఖ నటుడు అమీర్ ఖాన్ నటించడమే కాకుండా నిర్మాతగా మారి రూపొందించిన చిత్రం సితారే జమీన్ పర్. 2007 సంవత్సరంలో రిలీజై భారీ విజయం అందుకొన్న తారే జమీన్ పర్ సినిమాకు సీక్వెల్‌గా ఈ సినిమా రూపొందింది. ఆర్ఎస్ ప్రసన్న దర్శకత్వం వహించిన ఈ సినిమాలో జెనీలియా దేశ్ ముఖ్ కీలక పాత్రల్లో నటించింది. ఈ సినిమాకు అపర్ణ పురోహిత్ సహ నిర్మాతగా వ్యవహరించారు. హాలీవుడ్‌లో 2018 సంవత్సరంలో రిలీజైన స్పానిష్ మూవీ ఛాంపియన్స్ సినిమా ఆధారంగా సితారే జమీన్ పర్ మూవీని రూపొందించారు.

అమీర్ ఖాన్ ప్రొడక్షన్ నిర్మించిన ఈ సినిమాలో ఎక్కువగా సోషల్ మీడియా ఇన్‌ఫ్లూయెన్సర్లు, టెలివిజన్ ఆర్టిస్టులు, నూతన నటులు నటించారు. ఈ సినిమాకు జీ శ్రీనివాస్ రెడ్డి సినిమాటోగ్రఫి, మ్యూజిక్ శంకర్, ఎహసాన్, లాయ్, రామ్ సంపత్ తదితరులు అందించారు. అయితే ఈ సినిమా బడ్జెట్ ఎంత? తొలి రోజు కలెక్షన్ల అంచనా ఎంత? అనే వివరాల్లోకి వెళితే..

తారే జమీన్ పర్ మూవీకి సీక్వెల్‌గా సితారే జమీన్ సినిమా రూపొందింది. ఈ సినిమాకు స్పానిష్ మూవీ క్యాంపేవన్స్ సినిమా స్పూర్తి. అమీర్ ఖాన్ నిర్మాతగా మారి ఈ సినిమాను సుమారుగా 90 కోట్ల రూపాయలతో రూపొందించారు. ఈ సినిమాను సొంతంగా రిలీజ్ చేశారు. ఇక ఈ చిత్రాన్ని ఇండియాలో 3500 స్క్రీన్లు, ప్రపంచవ్యాప్తంగా 4200 స్క్రీన్లలో రిలీజ్ చేశారు.

ఇక ఈ సినిమా బ్రేక్ ఈవెన్ సాధించాలంటే.. కనీసం ఈ చిత్రం 100 కోట్ల రూపాయలు నెట్ వసూళ్లు బాక్సాఫీస్ వద్ద సాధించాల్సి ఉంటుంది. ఈ సినిమా భారీ లక్ష్యంతో బాక్సాఫీస్ జర్నీని మొదలుపెట్టింది. ఈ చిత్రం మిక్స్‌డ్ టాక్‌ను సొంతం చేసుకొని ఓ మోస్తారు వసూళ్లను రాబట్టింది. ఈ చిత్రం తొలి రోజు 11 కోట్ల రూపాయలు వసూలు చేసింది.

ఇక ఈ సినిమాకు వీకెండ్ బాగా కలిసి వచ్చింది. ఈ సినిమాకు పెద్దగా నెగిటివ్ టాక్ లేకపోవడంతో రెండో రోజు 20 కోట్ల రూపాయలు వసూలు చేసింది. దాంతో ఈ సినిమా తొలి రోజు కంటే రెండో రోజు 100 శాతం వృద్ధిని బాక్సాఫీస్ వద్ద చూపించింది. ఇక ఈ చిత్రం మూడో రోజు తొలి రెండు రోజుల కంటే అధికంగా కలెక్షన్లను సాధించింది. ఈ చిత్రం 3వ రోజు 30 కోట్ల రూపాయలు వసూలు చేస్తుందని ట్రేడ్ వర్గాలు అంచనా వేస్తున్నాయి. దాంతో ఈ సినిమా 60 కోట్లకుపైగా వసూళ్లను సాధించే వకాశం ఉంది.

అమీర్ ఖాన్ నటించిన ఈ సినిమాకు ఓవర్సీస్‌లో కూడా భారీగా వసూళ్లు రాబడుతున్నది. ఈ చిత్రం ఇప్టపి వరకు 2 మిలియన్ డాలర్లు అంటే సుమారుగా 18 కోట్ల రూపాయలు వసూలు చేసిందని ట్రేడ్ వర్గాలు వెల్లడించాయి. ఈ సినిమా లాంగ్ రన్‌లో 4 మిలియన్లు వసూలు చేస్తుందని ట్రేడ్ వర్గాలు పేర్కొన్నాయి. ఇదే జోష్ కొనసాగితే ఈ చిత్రం తొలి వారంలో 100 కోట్ల రూపాయల క్లబ్‌లో చేరే అవకాశం ఉంది.

More from Filmibeat