Price Day 4 Collections: మళ్లీ పుంజుకున్న శివ కార్తికేయన్ 'ప్రిన్స్'.. 4వ రోజు కలెక్షన్లు ఎంతంటే?

రూ. 100 కోట్లు రాబట్టిన చివరి 2 చిత్రాలు..

కోలీవుడ్ స్టార్ హీరో శివ కార్తికేయన్ గత రెండు చివరి చిత్రాలతో రూ. 100 కోట్ల క్లబ్ లో చేరాడు. ప్రియాంక మోహన్ తో జోడి కట్టిన శివ కార్తికేయన్.. కాలేజ్ డాన్, డాక్టర్ వరుణ్ చిత్రాలు బాక్సాఫీస్ వద్ద వేగంగా రూ. 100 కోట్లు రాబట్టాయి. ఈ రెండు చిత్రాల తర్వాత వచ్చిన మూడో చిత్రం ప్రిన్స్ పై కూడా మంచి అంచనాలే ఏర్పడ్డాయి. టాలీవుడ్ క్రేజీ డైరెక్టర్ గా గుర్తింపు పొందిన అనుదీప్ దర్శకత్వంలో వచ్చిన ఈ ప్రిన్స్ మూవీకి రూ. 60 కోట్ల బడ్టెట్ అయినట్లు సమాచారం.

ప్రీ రిలీజ్ బిజినెస్ డీటెల్స్..

లవ్ అండ్ రొమాన్స్ కి ఫన్ యాడ్ చేస్తూ వచ్చిన ప్రిన్స్ మూవీ తమిళంలో రూ. 32 కోట్ల వరకు బిజినెస్ చేయగా రెండు తెలుగు రాష్ట్రాల్లో రూ. 6.50 కోట్ల వరకు బిజినెస్ వసూళు చేసింది. ఇక కర్ణాటకలో రూ. 2.5 కోట్లు, కేరళలో రూ. 1.50 కోట్లు, రెస్టాఫ్ ఇండియాలో రూ. 1 కోటి వరకు బిజినెస్ చేసిన ప్రిన్స్.. ఓవర్సీస్ మొత్తంలో కూడా రూ. 6.50 కోట్ల వరకు బిజినెస్ అయినట్లు తెలుస్తోంది. ఇక ప్రపంచవ్యాప్తంగా ప్రిన్ మూవీ రూ. 50 కోట్ల వరకు ప్రీ రిలీజ్ బిజినెస్ చేసినట్లు ట్రేడ్ వర్గాలు చెబుతున్నాయి.

నాలుగో రోజు ఆక్యుపెన్సీ..

ప్రిన్స్ సినిమా తమిళంలో రెండో రోజు ఆక్యుపెన్సీ మొత్తంగా 36.86గా నమోదు అయింది. ఏరియా వైస్ గా చూస్తే.. చెన్నైలో 47.75శాతం, కోయంబత్తూరులో 50.25, పాండిచ్చేరిలో 66.75 శాతం, సాలెం 34.25, దిండిగల్ 59.50 శాతం, త్రిచూరులో 67.25 శాతం అక్యుపెన్సీ నమోదైంది. తెలుగులో హైదరాబాద్‌లో 16.25 శాతం, గుంటూరులో 23.50 శాతం, వైజాగ్‌లో 12.75 శాతం, కాకినాడలో 95.50 శాతం, నెల్లూరులో 16.33 శాతం అక్యుపెన్సీ నమోదైంది. ఇక ఓవరాల్ గా తెలుగులో 15.70 శాతం ఆక్యుపెన్సీగా రికార్డ్ అయింది.

నాలుగో రోజు తెలుగు రాష్ట్రాల్లో..

శివ కార్తికేయన్, అనుదీప్ కేవీ కాంబినేషన్ సినిమా ప్రిన్స్ నాలుగో రోజు తెలుగు రాష్ట్రాల్లో రూ. 60 లక్షలు వసూలు చేసింది. ఇక నాలుగు రోజులకు కలిపి నైజాంలో రూ. 94 లక్షలు, సీడెడ్ లో రూ. 26 లక్షలు, ఆంధ్రాలో రూ. 117 లక్షలు మొత్తంగా రూ. 2.37 కోట్ల షేర్, రూ. 4.50 కోట్ల గ్రాస్ కలెక్ట్ చేసింది. తెలుగు రాష్ట్రాల్లో రూ. 6.50 కోట్ల వరకు బిజినెస్ చేయగా, బ్రేక్ ఈవెన్ టార్గెట్ రూ. 7 కోట్లు అయింది. ఇంకా రూ. 4.63 కోట్లు రావాల్సి ఉంది.

దేశవ్యాప్తంగా వచ్చింది ఎంతంటే..

ఉక్రేయిన్ ముద్దుగుమ్మ మరియా ర్యాబోషప్కా హీరోయిన్ గా నటించిన ఈ ప్రిన్స్ మూవీకి దేశవ్యాప్తంగా నాలుగో రోజు రూ. 4.20 కోట్ల కలెక్షన్లు కొల్లగొట్టినట్లు సమాచారం. ఇక నాలుగు రోజులకు కలుపుకుని మొత్తంగా రూ. 19.50 కోట్లు సాధించినట్లు తెలుస్తోంది.