Om Bheem Bush 10 Days Collection: శ్రీ విష్ణు మరో సంచలనం.. బిజినెస్ టార్గెట్ ఔట్.. లాభం కావాలంటే!

Updated: Monday, April 1, 2024, 16:55 [IST]

విలక్షణమైన నటనతో పాటు విభిన్నమైన సినిమాలు చేస్తూ తెలుగు సినీ ఇండస్ట్రీలో మంచి నటుడిగా సాగిపోతోన్నాడు శ్రీ విష్ణు. సుదీర్ఘమైన కెరీర్‌లో ఎన్నో సినిమాలతో మెప్పించిన అతడు.. హిట్లను మాత్రం కొన్నింటినే అందుకున్నాడు.

దీంతో ఇప్పుడు భారీ సక్సెస్ కొట్టాలన్న కసితో 'ఓం భీమ్ బుష్' అనే మూవీతో ప్రేక్షకుల ముందుకు వచ్చాడు. దీనికి ఆరంభంలోనే డీసెంట్ టాక్ రావడంతో రెస్పాన్స్ భారీగానే వస్తోంది. ఈ వీకెండ్‌లో కూడా చిన్నగా పుంజుకుని మంచి వసూళ్లు రాబట్టింది. ఈ నేపథ్యంలో 'ఓం భీమ్ బుష్' మూవీ 10 రోజుల కలెక్షన్లను చూడండి!

Sree Vishnu Starrer Om Bheem Bush Movie 10 Days Worldwide Collections Details

నవ్వించేందుకు ముగ్గురితో
శ్రీ విష్ణు, ప్రియదర్శి, రాహుల్ రామకృష్ణ హీరోలుగా నటించిన సినిమానే 'ఓం భీమ్ బుష్'. శ్రీ హర్ష కనుగంటి తెరకెక్కించిన ఈ మూవీని వీ సెల్యూలాయిడ్స్ బ్యానర్‌పై సునీల్ బలుసు నిర్మించారు. ఇందులో ప్రీతి ముకుంద్, ప్రియ వడ్లమాని, కామాక్షి భాస్కర్ల, శ్రీకాంత్ అయ్యంగార్ తదితరులు కీలకమైన పాత్రలు పోషించారు. సన్నీ ఎమ్ఆర్ మ్యూజిక్ కంపోజ్ చేశారు.

ఓ భీమ్ బుష్ బిజినెస్ ఇలా

శ్రీ విష్ణు నటించిన 'ఓం భీమ్ బుష్' మూవీకి నైజాంలో రూ. 3.00 కోట్లు, సీడెడ్‌లో రూ. 1.00 కోట్లు, ఆంధ్రప్రదేశ్‌లోని మిగిలిన ప్రాంతాల్లో కలిపి రూ. 4.00 కోట్ల బిజినెస్ జరిగింది. ఇలా మొత్తంగా తెలుగులో రూ. 8.00 కోట్లకు అమ్ముడైంది. అలాగే, కర్నాటక ప్లస్ రెస్టాఫ్ ఇండియా పస్ల్ ఓవర్సీస్‌లో రూ. 1.30 కోట్లతో కలిపి మొత్తంగా దీనికి రూ. 9.30 కోట్లు బిజినెస్ అయింది.

10వ రోజు ఎంత వచ్చింది?
తెలుగు చిత్ర పరిశ్రమలో డిఫరెంట్ మూవీలో మెప్పిస్తోన్న టాలెంటెడ్ గాయ్ శ్రీ విష్ణు నటించిన 'ఓమ్ భీమ్ బుష్' మూవీకి తెలుగు రాష్ట్రాల్లో భారీ స్థాయిలో స్పందన వస్తోంది. అయితే, 10వ రోజు 'టిల్లు స్క్వేర్' మూవీ ప్రభావం కనిపించినా ఇంకాస్త పుంజుకుందనే చెప్పాలి. ఫలితంగా ఈ సినిమాకు ఆంధ్రప్రదేశ్, తెలంగాణలో కలిపి రూ. 30 లక్షలు షేర్ వసూలు అయింది.

10 రోజులకూ కలిపి ఎంత?

ఫుల్ లెంగ్త్ కామెడీ జోనర్‌లో రూపొందిన 'ఓమ్ భీమ్ బుష్' మూవీకి తెలుగు రాష్ట్రాల్లో 10 రోజుల్లో అద్భుతమైన స్పందన లభించింది. ఫలితంగా ఈ సినిమాకు నైజాం ఏరియాలో రూ. 3.67 కోట్లు షేర్ వసూలు అయింది. ఆంధ్రప్రదేశ్‌లోని అన్ని ఏరియాలనూ కలిపి రూ. 3.50 కోట్లు షేర్ వచ్చింది. ఇలా దీనికి రూ. 7.17 కోట్లు షేర్, రూ. 13.15 కోట్లు గ్రాస్ వచ్చింది.

ప్రపంచ వ్యాప్తంగా ఎంత?
శ్రీ విష్ణు, ప్రియదర్శి, రాహుల్ రామకృష్ణ కలిసి నటించిన 'ఓమ్ భీమ్ బుష్' మూవీకి తెలుగులో 10 రోజుల్లో రూ. 6.87 కోట్లు షేర్ వచ్చింది. అలాగే, ఈ సినిమా కర్నాటక ప్లస్ రెస్టాఫ్ ఇండియా ప్లస్ ఓవర్సీస్‌లో కలిపి రూ. 2.23 కోట్లు షేర్ వసూలు చేసింది. వీటితో కలిపి 10 రోజుల్లో ఈ చిత్రానికి రూ. 9.40 కోట్లు షేర్‌తో పాటు రూ. 22.00 కోట్లు గ్రాస్ వచ్చింది.

టార్గెట్ ఇలా.. ఎంత రావాలి?

నవ్వించే కథతో వచ్చిన 'ఓమ్ భీమ్ బుష్' సినిమాకు అంచనాలకు అనుగుణంగానే ప్రపంచ వ్యాప్తంగా రూ. 10.30 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 10.00 కోట్లుగా నమోదైంది. ఇక, 10 రోజుల్లో శ్రీ విష్ణు సినిమాకు రూ. 9.40 కోట్లు వచ్చాయి. అంటే మరో రూ. 60 లక్షలు రాబడితేనే ఈ సినిమా క్లీన్ హిట్‌గా నిలుస్తుంది.

More from Filmibeat