Sulthan 2 days collections: మరోసారి తెలుగులో కార్తీ దూకుడు.. కానీ ఈ స్పీడ్ సరిపోదు!

ఎట్రాక్ట్ చేసిన సినిమా

బక్కియరాజ్ కన్నన్ దర్శకత్వంలో తెరకెక్కిన సుల్తాన్ సినిమాలో రష్మీక మందన్న హీరోయిన్ గా నటించింది. 100మంది రౌడీలతో అన్ని కమర్షియల్ ఎలిమెంట్స్ ను జోడించిన దర్శకుడు ఓ వర్గం వారిని కథతోనే ఎక్కువగా ఎట్రాక్ట్ చేశాడు. మొత్తానికి సినిమా బాక్సాఫీస్ వద్ద మొదటి రోజు మంచి వసూళ్లను అందుకుంది.

టార్గెట్ ఎంతంటే

శుక్రవారం వైల్డ్ డాగ్ తో పాటిగా వచ్చిన సుల్తాన్ ఊహించినట్లుగానే గట్టి పోటీని ఇచ్చింది. ఒక విదంగా నాగార్జున వైల్డ్ డాగ్ పై ప్రభావం గట్టిగానే పడ్డట్లు తెలుస్తోంది. ఇక సినిమాను భారీ బడ్జెట్ తో నిర్మించారు. తెలుగులో 6కోట్ల ప్రీ రిలీజ్ బిజినెస్ చేసిన సుల్తాన్ సినిమా 6.5కోట్ల బాక్సాఫీస్ టార్గెట్ తో మార్కెట్ లోకి వెళ్లింది.

2వ రోజు వచ్చిన షేర్

సినిమా మొదటి రోజు తెలుగులో 1.17కోట్ల వరకు షేర్ అందుకుంది. ఇక రెండవ రోజు తెలుగు రాష్ట్రాల్లో వచ్చిన కలెక్షన్స్ ఈ విదంగా ఉన్నాయి. నైజాం 25లక్షలు, సీడెడ్ 13లక్షలు, ఉత్తరాంధ్ర 9లక్షలు, ఈస్ట్ 7.2లక్ష, వెస్ట్ 3.7లక్షలు, గుంటూరు 5.4లక్షలు, కృష్ణ 5.2లక్షలు, నెల్లూరు 3.3లక్షలు.. తెలుగు రాష్ట్రాల్లో 2 రోజుల్లో వచ్చిన మొత్తం షేర్ 0.0.72కోట్లు. గ్రాస్ 1.3కోట్లు

ఈ స్పీడ్ సరిపోదు

మొదటి రోజు ఏపీ తెలంగాణలో 1.17కోట్లు రాబట్టిన ఈ సినిమా రెండవరోజు 72లక్షలు రాబట్టింది. అయితే బ్రేక్ ఈవెన్ సాధించాలి అంటే ఈ స్పీడ్ సరిపోదు. మరో 4.61కోట్ల వరకు రాబడితేనే లాభల్లోకి వచ్చినట్లు లెక్క. ఇక ఆదివారం బుకింగ్స్ అయితే బాగానే ఉన్నాయి. మరి సినిమా వకీల్ సాబ్ వచ్చే లోపు అనుకున్న టార్గెట్ ను టచ్ చేస్తుందో లేదో చూడాలి.