Ooru Peru Bhairavakona Collections: 9 రోజుల్లో అన్ని కోట్ల వసూళ్లు.. హిట్‌కు చేరువగా భైరవకోన

టాలీవుడ్‌లో చాలా మందే యంగ్ హీరోలు తమదైన చిత్రాలతో సందడి చేస్తున్నారు. కానీ, ఇందులో కొందరు మాత్రమే వైవిధ్యమైన కథలతో వస్తూ ప్రేక్షకులను మెప్పిస్తున్నారు. అలాంటి వారిలో సందీప్ కిషన్ ఒకడు.

సత్ఫలితాలు రాకున్నా ప్రయోగాలు చేస్తోన్న అతడు ఇటీవలే 'ఊరు పేరు భైరవకోన' అనే చిత్రంతో ప్రేక్షకుల ముందుకు వచ్చేశాడు. దీనికి ఆరంభంలోనే డీసెంట్ టాక్ రావడంతో రెస్పాన్స్ కూడా మంచిగానే లభించింది. కానీ, వీక్ డేస్‌లో డౌన్ అవుతూ ఇప్పుడు మళ్లీ పుంజుకుంది. ఈ నేపథ్యంలో సందీప్ నటించిన 'ఊరు పేరు భైరవకోన' 9 రోజుల కలెక్షన్లను మీరే చూసేయండి!

భయపెట్టే కథతోనే భైరవకోన: సందీప్ కిషన్ హీరోగా వీఐ ఆనంద్ తెరకెక్కించిన హర్రర్ మూవీనే 'ఊరు పేరు భైరవకోన'. ఈ సినిమాను ఏకే ఎంటర్‌టైన్‌మెంట్స్, హాస్య మూవీస్ బ్యానర్‌పై రాజేష్ దండ, అనిల్ సుంకర నిర్మించారు. ఇందులో వర్ష బొల్లమ్మ, కావ్య థాపర్ హీరోయిన్లుగా నటించారు. వెన్నెల కిశోర్, హర్ష, రవి శంకర్ కీలక పాత్రలను పోషించారు. శేఖర్ చంద్ర ఈ మూవీకి సంగీతాన్ని అందించారు.

సందీప్ మూవీ బిజినెస్ ఇలా: సందీప్ కిషన్ నటించిన 'ఊరు పేరు భైరవకోన'కు నైజాంలో రూ. 3.00 కోట్లు, సీడెడ్‌లో రూ. 1.30 కోట్లు, ఆంధ్రప్రదేశ్‌లోని అన్ని ప్రాంతాలు కలిపి రూ. 4.40 కోట్లకు అమ్ముడుపోయింది. ఇలా ఈ సినిమాకు తెలుగులో రూ. 19.50 కోట్లు బిజినెస్ జరిగింది. అలాగే, రెస్టాఫ్ ఇండియా, కర్నాటక, ఓవర్సీస్ ఏరియాల్లో కలిపి రూ. 1.50 కోట్లతో కలిపి మొత్తంగా రూ. 10.20 కోట్లు బిజినెస్ జరిగింది.

9వ రోజు తెలుగులో వసూళ్లు: టాలెంటెడ్ హీరో సందీప్ కిషన్ - క్రియేటివ్ డైరెక్టర్ వీఐ ఆనంద్ కాంబోలో వచ్చిన 'ఊరు పేరు భైరవకోన'కు మొదటి వీకెండ్ అనుకున్న దానికంటే ఎక్కువ రెస్పాన్స్ వచ్చింది. అయితే, వీక్ డేస్‌లో మాత్రం ఇది క్రమంగా డౌన్ అయింది. కానీ, రెండో వీకెండ్‌లో ఇది బాగానే పుంజుకుంది. ఇలా ఈ సినిమా తెలుగు రాష్ట్రాల్లో 9వ రోజు రూ. 25 లక్షలు షేర్, రూ. 45 లక్షలు గ్రాస్ రాబట్టింది.

9 రోజుల్లో ఎంత వచ్చింది?: క్రేజీ స్టోరీతో రూపొందిన 'ఊరు పేరు భైరవకోన' మూవీకి 9 రోజుల్లో డీసెంట్ రెస్పాన్సే లభించింది. ఫలితంగా ఈ చిత్రం తెలుగు రాష్ట్రాల్లో మంచి వసూళ్లు రాబట్టింది. దీంతో నైజాంలో రూ. 3.15 కోట్లు, సీడెడ్‌లో రూ. 78 లక్షలు, ఆంధ్రా మొత్తంలో కలిపి రూ. 3.25 కోట్లు రాబట్టింది. ఇలా 9 రోజుల్లో ఈ సినిమా రూ. 7.18 కోట్లు షేర్, రూ. 13.45 కోట్లు గ్రాస్ రాబట్టింది.

ప్రపంచ వ్యాప్తంగా ఎంతంటే: తెలుగు రాష్ట్రాల్లో 9 రోజుల్లో రూ. 7.18 కోట్లు రాబట్టిన 'ఊరు పేరు భైరవకోన' మూవీ.. ప్రపంచ వ్యాప్తంగానూ ఆశించిన దానికి మించిన రెస్పాన్స్‌నే అందుకుంది. దీంతో కర్నాటక ప్లస్ రెస్టాఫ్ ఇండియా ప్లస్ ఓవర్సీస్‌లో కలుపుకుని ఇది రూ. 2.22 కోట్లు వసూలు చేసింది. వీటితో కలిపితే 9 రోజుల్లో ఇది ప్రపంచ వ్యాప్తంగా రూ. 9.40 కోట్లు షేర్‌, రూ. 21.25 కోట్లు గ్రాస్‌ రాబట్టింది.

టార్గెట్ ఇలా.. ఎంత రావాలి?: డిఫరెంట్ స్టోరీతో వచ్చిన 'ఊరు పేరు భైరవకోన' మూవీకి అంచనాలకు అనుగుణంగానే ప్రపంచ వ్యాప్తంగా రూ. 10.20 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 11 కోట్లుగా నమోదైంది. ఇక, 9 రోజుల్లో దీనికి రూ. 9.40 కోట్లు వచ్చాయి. అంటే మరో రూ. 1.60 కోట్లు రాబడితేనే ఈ మూవీ క్లీన్ హిట్ స్టేటస్‌ను చేరుకుంటుంది.