Don't Miss!
- News ఈ ఒక్కటి ఇంట్లో ఉంటే డబ్బు ఆటోమేటిక్ గా వస్తుంది
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
నైజాంలో ‘SVSC’ రికార్డ్, తప్పుడు లెక్కలంటూ వివాదం!
హైదరాబాద్ : మహేష్ బాబు-వెంకటేష్ మల్టీ స్టారర్ గా శ్రీకాంత్ అడ్డాల దర్వకత్వంలో రూపొందిన 'సీతమ్మ వాకిట్లో సిరిమల్లె చెట్టు' చిత్రం నైజాం ఏరియాలో కలెక్షన్ల వర్షం కురిపించడమే కాదు....సరికొత్త రికార్డును నమోదు చేసినట్లు వార్తలు వినిపిస్తున్నాయి. ఈ నెల 11న విడుదలైన ఈచిత్రం తొలి వారం నైజాం ఏరియాలో దాదాపు రూ. 10.08 కోట్లు షేర్ వసూలు చేసినట్లు ప్రచారం సాగుతోంది. అయితే ఈ వివరాలు అధికారికంగా వెల్లడి కావాల్సి ఉంది. అదే నిజమైతే ఈ చిత్రం నైజాం ఏరియాలో తొలి వారం అత్యధిక వసూళ్లు సాధించిన చిత్రంగా నిలవడం ఖాయం.
అయితే ఇవన్నీ తప్పుడు లెక్కలంటూ కొందరు వివాదానికి తెరలేపారు. రూ. 10.08 నెట్ కలెక్షన్ మాత్రమే అని, షేర్ అంత రాలేదని అంటున్నారు. ఏది ఏమైనా నిర్మాత దిల్ రాజు ఈ వివరాలు అధికారికంగా వెల్లడిస్తే తప్ప నిజానిజాలు బయట పడే అవకాశం లేదు.
సీతమ్మ వాకిట్లో సిరిమల్లె చెట్టు సినిమాకు చాలా మంది క్రిటిక్స్ మంచి ఫ్యామిలీ ఎంటర్ టైనర్ అంటూ కితాబిచ్చారు. దీనికి తోడు క్లాస్ పీపుల్ నుంచి కూడా పాజిటివ్ మౌత్ టాక్ వ్యాప్తి చెందడం సినిమాకు కలిసొచ్చింది. వచ్చే రోజుల్లో కూడా సినిమా మరింత పుంజుకునే అవకాశం ఉంది. వీకెండ్, సంక్రాంతి హాలిడేస్ కలిపి ఈ చిత్రానికి మంచి వసూళ్లు వచ్చి పడ్డాయి.
చాలా కాలం తర్వాత భారీ తారాగణంతో కూడిన...అశ్లీలత, అసభ్యత, హింస లాంటివి లేకుండా ఇంటిల్లిపాదీ కలిసి చూడదగ్గ సినిమా కావడంతో ఫ్యామిలీ ప్రేక్షకులు క్యూ కడుతున్నారు. మహేష్ బాబు, వెంకటేష్ లాంటి స్టార్ హీరోలతో పాటు సమంత, అంజలి, ప్రకాష్ రాజ్ ఉండటం సినిమాకు మరింత కలిసొచ్చింది. దర్శకుడు శ్రీకాంత్ అడ్డాల కెరీర్లో ఈ సినిమా బిగ్గెస్ట్ హిట్ చిత్రంగా చెప్పుకోవచ్చు.