‘టాక్సీవాలా’ సంచలనం... తొలి రోజే పెట్టుబడి రాబట్టింది!

ఎస్‌కెఎన్ ట్వీట్

బాక్సీఫీస్ ఈస్ట్ సైడ్ విజయ్ దేవరకొండ, వెస్ట్ సైడ్ యూవి క్రియేషన్స్, సౌత్ సౌడ్ గీతా ఆర్ట్స్, నార్త్ సౌడ్ టెక్నీషియన్స్..... అన్ని వైపుల నుంచి అదరించే ఆడియన్స్‌తో మేము మరోసారి సాధించాము. తొలి రోజు పెట్టుంబడి తిరిగొచ్చింది. ప్రపంచ వ్యాప్తంగా రూ. 10.5 కోట్ల గ్రాస్ వసూలైంది అని నిర్మాత ఎస్కేఎన్ ట్వీట్ చేశారు.

ఎక్కడ ఎక్కువ వసూలైంది

‘టాక్సీవాలా' చిత్రం తెలుగు రాష్ట్రాల్లో తొలి రోజు రూ. 6 కోట్ల గ్రాస్ వసూలైనట్లు తెలుస్తోంది. యూఎస్ఏలో రూ. 2 కోట్లు, కర్నాటకలో రూ. 4 కోట్లు వసూలు చేసినట్లు సమాచారం. సినిమాకు పాజిటివ్ టాక్ రావడంతో వసూళ్లు అదిరిపోవడం ఖాయం అంటున్నారు.

వాటితో పోల్చుకుంటే తక్కువే...

అయితే ఓపెనింగ్స్ పరంగా... విజయ్ దేవరకొండ గత చిత్రాలు ‘గీత గోవిందం', ‘నోటా' చిత్రాలతో పోలిస్తే ‘టాక్సీవాలా' ఓపెనింగ్స్ తక్కువగానే ఉన్నాయని చెప్పక తప్పదు. గీత గోవిందం తొలి రోజు రూ. 16.40 కోట్లు రాబట్టగా... నోటా రూ. 14 కోట్లు వసూలు చేసింది.

అమర్ అక్బర్ ఆంటోనీ రికార్డ్ బద్దలు

రవితేజ, శ్రీను వైట్ల కాంబినేషన్లో తెరకెక్కిన ‘అమర్ అక్బర్ ఆంటోనీ'.... టాక్సీవాలా కంటే ఒక రోజు ముందు విడుదలైంది. రవితేజ మూవీ ప్రపంచ వ్యాప్తంగా తొలి రోజు రూ. 6.70 కోట్లు రాబట్టింది. అయితే టాక్సీవాలా ఈ చిత్రాన్ని ఈజీగా అధిగమించింది.