మల్టిప్లెక్స్ లలో 'బొమ్మాళి' హవా!

By Staff

Published: Wednesday, March 25, 2009, 16:32 [IST]

ముంబై: మల్టిప్లెక్స్ లకు సంబంధించి తెలుగు సినిమా డిస్ట్రిబ్యూటర్లు నిరసన తెలుపుతున్నారు. తెలుగు సినిమాల నుంచి మల్టిప్లెక్స్ లకు మంచి ఆదాయం వస్తున్నా తమకు వాటా ఇచ్చే విషయంలో అన్యాయం జరుతోందని తెలుగు డిస్ట్రిబ్యూటర్లు ఆందోళన వ్యక్తం చేస్తున్నారు. తెలుగు సినిమాల విషయంలో రెవిన్యూ షేరింగ్ పై జాతీయ స్ధాయి ఎగ్జిబిటర్లకు, తెలుగు డిస్ట్రిబ్యూటర్లకు మధ్య నిన్న, మొన్న ముంబైలో చర్చలు జరిగాయి. చర్చలు మళ్లీ ఏప్రిల్ 30 న జరుగనున్నాయి. ఈలోపు మల్టిప్లెక్స్ లలో తెలుగు సినిమాలు ప్రదర్శితమవుతాయి.

"ఏప్రిల్ 30 వరకు వేచి చూస్తాం. సమస్య్ పరిష్కారం కాకపోతే మే 1 నుంచి ఏ మల్టిప్లెక్స్ లోనూ తెలుగు సినిమాలు ఆడవు" అని తెలుగు ఫిల్మ్ డిస్ట్రిబ్యూటర్స్ అసోసియేషన్ అధ్యక్షుడూ సునీల్ నారంగ్ ఒక సినిమా వెబ్ సైట్ ప్రతినిధికి చెప్పారు. వివాదం పూర్వాపరాలు ఇవి. తెలుగు సినిమా డిస్ట్రిబ్యూటర్లు మెరుగైన వాటాను మల్టిప్లెక్స్ ల నుంచి కోరుతున్నారు. ఇప్పుడు వస్తున్న నిష్పత్తి తెలుగు డిస్టిబ్యూటర్లు-మల్టి ప్లెక్స్ లు వరుసగా మొదటి మూడు వారాలకు 50:50, 42':57'. తెలుగు డిస్ట్రిబ్యూటర్లు కోరుతున్నది ఈ నిష్పత్తి 60:40, 55:45 and 50:50. హిందీ సినిమాల కంటే ఆంధ్రప్రదేశ్ మల్టిప్లెక్స్ లలో తెలుగు సినిమాలు బాగా ఆడుతున్నాయి కాబట్టి తెలుగు డిస్ట్రిబ్యూటర్లు ఈ డిమాండ్ చేస్తున్నారు. దీనిపై జాతీయ ఎగ్జిబిటర్లకు, తెలుగు డిస్టిబ్యూటర్లకు మధ్య మంచి వాతావరణంలో చర్చలు జరుగుతున్నాయి. "అరుంధతి" తెలుగు సినిమా మల్టీప్లెక్స్ లలో పిచ్చి పిచ్చిగా కలెక్షన్లు ఇస్తోంది. ఈ సినిమాకు ఏ హిందీ సినిమా పోటీగా నిలవలేదు.

More from Filmibeat