‘రంగస్థలం’తో పాటు సౌత్ రికార్డులన్నీ బద్దలు.. 10 రోజుల్లో ఫసక్!

10 రోజుల్లోనే ‘రంగస్థలం' రికార్డ్ బద్దులు

2018 సంవత్సరంలో రూ. 218 కోట్ల వసూళ్లతో రామ్ చరణ్ ‘రంగస్థలం' చిత్రం సౌత్ ఇండస్ట్రీలో టాప్ గ్రాసర్‌గా నిలిచింది. ఈ రికార్డును విజయ్ మూవీ కేవలం 10 రోజుల్లోనే బద్దలు కొట్టేయడం గమనార్హం.

రూ. 100 కోట్లు సాధించిన 6వ చిత్రం

మరో వైపు విజయ్ కెరీర్లో రూ. 100 కోట్లకుపైగా గ్రాస్ సాధించి 6వ సినిమా ఇది. విజయ్ నటించిన గత 4 చిత్రాలు పరిశీలిస్తే తేరి, భైరవ, మెర్సల్, సర్కార్ ఇలా అన్నీ కూడా వరుసగా వంద కోట్లకుపైగా వసూలు చేసి విజయ్‌కు ఉన్న ఫాలోయింగ్ ఏమిటో నిరూపించాయి.

మిక్డ్స్ టాక్ ఉన్నప్పటికీ

‘సర్కార్' సినిమా విడుదల రోజే మిక్డ్స్ రివ్యూలు సొంతం చేసుకుంది. ఫస్టాఫ్ బావున్నప్పటికీ సెకండాఫ్‌లో ఓవర్ పొలిటికల్ డ్రామా చూపించారనే విమర్శలు వచ్చాయి. దీనికి తోడు ఈ సినిమా చుట్టూ అనేక వివాదాలు సైతం ముసురుకున్నాయి. అన్నింటినీ అధిగమించి ఈ చిత్రం బాక్సాఫీసు వద్ద సంచలన విజయం అందుకుంది.

విజయ్

ఈ చిత్రంలో విజయ్ కార్పొరెట్ కంపెనీ సీఈఓగా నటించారు. ఓటు వేయడానికి ఇండియా వచ్చిన అతడు తన ఓటు అప్పటికే ఇంకొరు వేసారని తెలిసి షాకవుతాడు. పొలిటికల్ సిస్టం మార్చాలని డిసైడ్ అయిన అతడు ఎలాంటి పరిస్థితులు ఎదుర్కొన్నాడు అనే కథతో ఈ చిత్రం సాగుతుంది.

ఇక్కడ ఆదరణ కరువు

అయితే ‘సర్కార్' చిత్రానికి తెలుగు రాష్ట్రాల్లో ఆశించిన స్థాయిలో ఆదరణ లభించలేదు. తెలుగు రైట్స్ రూ. 7 కోట్లకు అమ్మగా రూ. 6 కోట్ల షేర్ మాత్రమే వచ్చినట్లు తెలుస్తోంది. మలయాళంలో కూడా సర్కార్‌కు చేదు అనుభవం ఎదురైంది.