Thamma Day 4 Collections: 100 కోట్ల క్లబ్ వైపు థామా.. రష్మిక మందన్న మూవీకి ఎన్ని కోట్లంటే?

Updated: Saturday, October 25, 2025, 0:10 [IST]

బాలీవుడ్ ఇండస్ట్రీలో పాపులర్ ప్రొడక్షన్ హౌస్ మడోక్ ఫిలింస్ బ్యానర్‌పై దినేష్ విజన్, అమర్ కౌశిక్ సంయుక్తంగా నిర్మిస్తున్న చిత్రం థామా. యువ దర్శకుడు ఆదిత్య సర్పోదార్ రూపొందించిన ఈ చిత్రంలో స్టార్ హీరో, హీరోయిన్లు ఆయుష్మాన్ ఖురానా, రష్మిక మందన్న జంటగా నటించారు. వరుణ్ ధావన్, మలైకా ఆరోరా, నోరా ఫతేహి లాంటి తారలు అతిథి పాత్రల్లో కనిపించారు. మడోక్ హారర్ కామెడీ యూనివర్స్‌లో భాగంగా రూపొందిన ఈ చిత్రంలో నవాజుద్దీన్ సిద్దిఖీ, పరేశ్ రావెల్, సత్యరాజ్, ఫైజల్ మాలిక్ తదితరులు నటించారు.

ఈ చిత్రానికి సౌరబ్ గోస్వామి సినిమాటోగ్రఫిని, హేమంత సర్కార్ ఎడిటింగ్, సచిన్, జిగర్ మ్యూజిక్ బాధ్యతలను నిర్వహిస్తున్నారు. ఈ సినిమాను ఇండియాలో పెన్ మరుదార్, ఓవర్సీస్‌లో యష్ ఫిలింస్ రిలీజ్ చేశారు. ఈ సినిమా పాటలు, ప్రమోషనల్ వర్క్‌కు భారీ స్పందన లభించడంతో ఈ మూవీపై అంచనాలు భారీగా నిలిచాయి. రొమాంటిక్ కామెడీ చిత్రంగా రూపొందిన ఈ మూవీ ప్రపంచవ్యాప్తంగా అక్టోబర్ 21వ తేదీన రిలీజ్ అయింది. ఈ మూవీ బడ్జెట్ ఎంత? ఈ సినిమా బ్రేక్ ఈవెన్ టార్గెట్ ఎంత? ఈ సినిమా బాక్సాఫీస్ వద్ద కలెక్ట్ చేసిన వసూళ్లు ఎంత? అనే వివరాల్లోకి వెళితే..

థామా సినిమా విషయానికి వస్తే.. ఈ సినిమాలో నోరా ఫతేహి, మలైకా అరోరా, అమర్ కౌశిక్, వరుణ్ ధావన్, అనీత్ పడ్డా లాంటి స్టార్స్ అతిథి పాత్రల్లో నటించారు. ఈ చిత్రంలో ఆయుష్మాన్ ఖురానా, రష్మిక మందన్న లాంటి స్టార్స్ నటించడంతో బడ్జెట్ భారీగానే అయింది. ప్రతిభావంతులైన టెక్నిషియన్స్ పనిచేయడంతో ప్రొడక్షన్ ఖర్చులు కూడా భారీగానే పెరిగాయి. ధాంతో ఈ సినిమాను సుమారుగా 150 కోట్ల రూపాయల బడ్జెట్‌తో రూపొందించారు.

హారర్ థ్రిల్లర్‌గా రూపొందిన ఈ సినిమా ప్రోమోలు మూవీపై భారీ అంచనాలు పెంచాయి. ఈ చిత్రం తొలి రోజే 25 కోట్ల రూపాయల నెట్ వసూళ్లను రాబట్టింది. ఆ తర్వాత రెండో రోజు ఈ చిత్రం 20 కోట్ల రూపాయలు, మూడో రోజు 15 కోట్ల రూపాయలు వసూలు చేసింది. దాంతో ఇండియాలో ఈ చిత్రం 3 రోజుల్లో 60 కోట్ల రూపాయలు వసూలు చేసింది.

హారర్, థ్రిల్లర్ మూవీగా రూపొందిన థామా చిత్రానికి ఓవర్సీస్‌లో ఓ మాదిరి కలెక్షన్లు నమోదు అయ్యాయి. ఈ చిత్రం 600K డాలర్లు అంటే.. సుమారుగా 5.5 కోట్ల రూపాయలు వసూలు చేసింది. దాంతో ఈ చిత్రం 4 రోజుల్లో వరల్డ్ వైడ్ 65 కోట్ల రూపాయలకుపైగా వసూళ్లను సాధించింది.

ఇక ఈ చిత్రం 4వ రోజు నిలకడగా మంచి ఆక్యుపెన్సీని నమోదు చేసింది. ముంబై, ఢిల్లీ, బెంగళూరు, పూణె, హైదరాబాద్ నగరాల్లో కోల్‌కతా, చెన్నై లాంటి ప్రాంతాల్లో 35 నుంచి 40 శాతం ఆక్యుపెన్సీని నమోదు చేసింది. ఈ ఈ సినిమా 4వ రోజు 5 కోట్లకుపైగా వసూళ్లను రాబట్టలింది అని ట్నేడ్ వర్గాలు వెల్లడించాయి. దాంతో నాలుగో రోజు 70 కోట్ల రూపాయలు కలెక్ట్ చేసింది.

More from Filmibeat