బాక్సాఫీస్‌పై సర్జికల్ స్ట్రయిక్స్.. ఊపందుకొన్న యూరీ కలెక్షన్లు.. సింబా రికార్డుపై గురి!

తొలి ఆట నుంచే భారీ కలెక్షన్లు

2016లో పాక్ ఆక్రమిత కశ్మీర్‌లో భారత సేనలు చేసిన సర్జికల్ స్ట్రయిక్స్ ఆధారంగా రూపొందిన ఈ చిత్రానికి తొలి ఆట నుంచే థియేటర్లలో ప్రేక్షకుల నుంచి బ్రహ్మాండమైన స్పందన వ్యక్తమైంది. దాంతో ఈ సంవత్సరం విడుదలైన సింబా చిత్రం కలెక్షన్లను కూడా మించిపోయేలా కనిపిస్తున్నది.

సింబా మూవీ రికార్డుపై కన్ను

తాజా యూరీ కలెక్షన్ల వివరాలను ప్రముఖ ట్రేడ్ అనలిస్టు తరణ్ ఆదర్శ్ ట్వీట్ చేశారు. యూరీ సర్జికల్ స్ట్రయిక్స్ చిత్రం బాక్సాఫీస్ వద్ద కుమ్మేస్తున్నది. ఎనిమిదో వారంలో ఈ చిత్రం భారీ కలెక్షన్లు రాబడుతున్నది. సింబా చిత్రం సాధించిన కలెక్షన్లపై ఈ సినిమా కన్నేసింది. త్వరలోనే సింబా వసూళ్లను అధిగమించడం ఖాయం అని తరుణ్ ట్వీట్‌లో పేర్కొన్నాడు.

‘యూరి: ది సర్జికల్ స్ట్రైక్' 50 రోజుల కలెక్షన్.. రూ. 237 కోట్లు!

రూ.250 క్లబ్ వైపు పరుగు

యూరీ చిత్రం ఎనిమిదో వారంలో శుక్రవారం రోజున రూ.38 లక్షలు, శనివారం రూ.80 లక్షలు, ఆదివారం రూ.1.18 కోట్లు, సోమవారం రూ.67 లక్షలు సాధించింది. మొత్తంగా ఈ చిత్రం ఇప్పటి వరకు దేశవ్యాప్తంగా రూ.240.38 కోట్లు వసూలు చేసింది. త్వరలోనే రూ.250 క్లబ్‌లో చేరిపోతుందని తరుణ్ ఆదర్శ్ ట్వీట్‌లో వెల్లడించారు.

మరోసారి ఊపందుకొన్న వసూళ్లు

ఇటీవల చోటుచేసుకొన్న పుల్వామా దాడి, ఆ తర్వాత పాక్ భూభాగంలో భారత వాయు సేనల రెండో సర్జికల్ స్ట్రయిక్స్‌ ఘటనల తర్వాత యూరీ చిత్రంపై మరోసారి ఫోకస్ పెరిగింది. అలాగే పాక్ చెరలో అభినందన్ ఉండటం.. అనంతరం దేశభక్తి ప్రజల్లో ఉప్పొంగడంతో సినిమాపై మరింత క్రేజ్ పెరిగింది. దాంతో బలహీనంగా ఉన్న వసూళ్లు మరోసారి చెలరేగిపోతున్నాయి.