బాక్సాఫీస్‌పై సర్జికల్ స్ట్రయిక్.. యూరీ మెరుపు కలెక్షన్లు..పాక్‌పై దాడి మాదిరిగానే!

రూ.200 కోట్ల క్లబ్ దిశగా

యూరీ చిత్రానికి ప్రపంచవ్యాప్తంగా భారీ స్పందన వ్యక్తమవుతున్నది. త్వరలోనే ఈ చిత్రం రూ.200 కోట్ల మైలురాయిని చేరుకొనే అవకాశాలు కనిపిస్తున్నాయి. ఈ సినిమా విజయం బాలీవుడ్ ఫిలింమేకింగ్‌ను, ప్రేక్షకుల అభిరుచిని గొప్పగా చాటిచెప్పిన చిత్రం అని ట్రేడ్ అనలిస్టు తరుణ్ ఆదర్శ్ వెల్లడించారు.

ముంబైలో వసూళ్ల మోత

యూరీ: సర్జికల్ స్ట్రయిక్స్ సినిమా ముంబై, ఢిల్లీ, యూపీలో వసూళ్ల మోత మోగిస్తున్నది. ముంబైలోనే ఈ చిత్రం రూ.50 కోట్ల మార్కును దాటింది. ఢిల్లీ, యూపీ సర్క్యూట్లలో రూ.25 కోట్లు రాబట్టింది. దేశవ్యాప్తంగా కలెక్షన్లలో ముంబై, ఢిల్లీ, యూపీ ప్రాంతాల్లో రూ.75 కోట్లు రాబట్టడం విశేషంగా పేర్కొన్నవచ్చును అని తరుణ్ మరో ట్వీట్‌లో పేర్కొన్నారు.

10 రోజుల్లోనే కుమ్మేసింది... 100 కోట్ల కాసుల వర్షం.. బడ్జెట్ ఎంతో తెలిస్తే షాకే!

రూ.150 కోట్ల మైలురాయిని

దేశభక్తి ప్రధానంగా ఎమోషనల్ కంటెంట్‌తో రూపొందిన యూరీ చిత్రం ఆదివారం రూ.150 కోట్ల మైలురాయిని దాటింది. దేశవ్యాప్తంగాగా ఈ చిత్రం శుక్రవారం రూ.4.40 కోట్లు, శనివారం రూ.9.75 కోట్లు రాబట్టడంతో మొత్తం వసూళ్లు రూ.148.18 కోట్లకుకు చేరుకొన్నది. ఆదివారం కలెక్షన్లతో ఈ చిత్రం రూ.150 కోట్ల క్లబ్ చేరడం ఖాయంగా కనిపించింది.

ఎదురులేని భారీ వసూళ్లతో

దేశభక్తి, భావోద్వేగ కథతో రూపొందిన ఈ చిత్రంలో సంజూ ఫేం వికీ కుషాల్, పరేష్ రావల్, యామీ గౌతమీ తదితరులు నటించారు. ఈ చిత్రాన్ని రోని స్క్రీవ్‌వాలా నిర్మించగా, ఆదిత్య ధార్ దర్శకత్వం వహించారు. రానున్న రోజుల్లో భారీ చిత్రాల విడుదల లేకపోవడం వల్ల ఈ చిత్ర వసూళ్లకు ఎదురే లేదనే మాట వినిపిస్తున్నది.