Vaathi/Sir Advance Booking ధనుష్ మూవీకి పాజిటివ్ బజ్.. నిర్మాత షాకింగ్ నిర్ణయంతో

ఒకరోజు ముందే సార్ ప్రీమియర్లు

వాతి (సార్) సినిమా విషయానికి వస్తే.. దక్షిణాదిలో ముఖ్యంగా హైదరాబాద్, చెన్నైలో ప్రీమియర్లను ప్రదర్శించేందుకు నిర్మాత షాకింగ్ నిర్ణయం తీసుకొన్నారు. సినిమా కంటెంట్‌పై ఉన్న నమ్మకం, ధనుష్ యాక్టింగ్, సంయుక్త మీనన్ ఫెర్ఫార్మెన్స్, మ్యూజిక్ తదితర అంశాలు సినిమాకు పాజిటివ్ బజ్ క్రియేట్ చేసిందనే విషయాన్ని ట్రేడ్ వర్గాలు వెల్లడిస్తున్నాయి.

విద్యా వ్యవస్థలోని లోపాలపై

సార్ సినిమా ఇటీవలే సెన్సార్ పూర్తి చేసుకొన్నది. సెన్సార్ అధికారుల నుంచి కూడా భారీగా ప్రశంసలు వచ్చాయనే విషయం తెలిసింది. విద్యా వ్యవస్థలోని లోపాలపై సమాజాన్ని ఆలోచింపజేసే సినిమాగా తెరకెక్కడంపై సెన్సార్ అధికారులు తమ సంతృప్తిని వ్యక్తం చేసినట్టు తెలుస్తున్నది. ఈ సినిమాకు క్లీన్ యూ సర్టిఫికెట్ ఇచ్చినట్టు సమాచారం.

హిందీ, ఓవర్సీస్‌లో సోని

ధనుష్ నటించిన సార్ (వాతి) సినిమాను ఉత్తరాదిలోను, అలాగే ఓవర్సీస్‌లోను భారీగా రిలీజ్ చేస్తున్నారు. ఈ సినిమాను హిందీలో, విదేశాల్లో సోని పిక్చర్స్ రిలీజ్ చేస్తున్నది. హిందీలో ధనుష్‌కు ఉన్న మార్కెట్‌కు తగినట్టుగా ప్రధాన నగరాల్లో సినిమాను రిలీజ్ చేస్తున్నారు. ఇక పలుదేశాల్లో ఈ సినిమాను ఎక్కువ స్క్రీన్లలో రిలీజ్ చేస్తున్నారు.

ఏపీ, తెలంగాణ, తమిళనాడులో

తమిళనాడు, ఏపీ, తెలంగాణలో భారీగా థియేటర్లలో రిలీజ్ చేస్తున్నట్టు సమాచారం. తమిళనాడులో 500 పైగా స్క్రీన్లలో రిలీజ్ చేసేందుకు ఏర్పాట్లు చేస్తున్నారు. ఏపీ, తెలంగాణలో కలిపి ఈ సినిమాను సమారు 600 స్క్రీన్లలో రిలీజ్ చేస్తున్నట్టు సమాచారం. సినిమాకు మంచి టాక్ వస్తే.. స్క్రీన్లు పెరిగే అవకాశం ఉందని ట్రేడ్ వర్గాలు వెల్లడిస్తున్నాయి.

అమెరికాలో అడ్వాన్స్ బుకింగ్

అమెరికాలో సార్ (వాతి) సినిమా ఫీవర్ మొదలైంది. ఈ సినిమాను అమెరికాలో 161 కేంద్రాల్లో రిలీజ్ చేస్తున్నారు. తమిళం కంటే తెలుగు వెర్సన్‌కు మంచి క్రేజ్ కనిపిస్తున్నది. దాదాపు 270 షోలు ప్రదర్శిస్తున్నట్టు సమాచారం. అడ్వాన్స్ బుకింగ్ పరంగా 5250 డాలర్లు, తమిళంలో 4250 అమెరికన్ డాలర్లు అంటే.. 9 వేల డాలర్లకు పైగా వసూలు చేసింది.