Don't Miss!
- News barrelakka: వివాహ బంధంలోకి అడుగుపెట్టిన బర్రెలక్క
- Sports IPL 2024: అందుకే పృథ్వీ షా ఆడటం లేదు: సౌరవ్ గంగూలీ
- Lifestyle గుడ్ ఫ్రైడే 2024 ఎప్పుడు? క్రైస్తవులు గుడ్ ఫ్రైడే ఎందుకు జరుపుకుంటారు?మీకు తెలియని కొన్ని వాస్తవాలు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
Ranga Ranga Vaibhavanga Collections: వైష్ణవ్ తేజ్ రంగ రంగ వైభవంగా 4వ రోజు కలెక్షన్లు ఎలా ఉన్నాయంటే?
మెగా కుటుంబం నుంచి మరో హీరోగా వచ్చి తొలి సినిమా ఉప్పెనతో మంచి విజయం సాధించాడు వైష్ణవ్ తేజ్. ఆ తర్వాత స్టార్ హీరోయిన్ రకుల్ ప్రీత్ సింగ్తో జోడి కట్టిన కొండపొలం అనుకున్నంత స్థాయిలో ఆడలేకపోయింది. ఇక ముచ్చటగా మూడో సినిమా రంగ రంగ వైభవంగా అంటూ వచ్చాడు వైష్ణవ్ తేజ్. రొమాంటిక్ లవ్ స్టోరీగా తెరకెక్కిన ఈ మూవీ విడుదలైన తొలి రోజు నుంచే నెగెటివ్ టాక్ను తెచ్చుకుంది. మొదటి రోజు నుంచే సో సోగా వసూళ్లు రాబడుతున్న ఈ మూవీ నాలుగో రోజు బాక్సాఫీస్ కలెక్షన్లు ఎలా ఉన్నాయో చూద్దామా!
వైష్ణవ్ తేజ్ మూడో సినిమాగా వచ్చింది రంగ రంగ వైభవంగా. ఈ చిత్రంలో రొమాంటిక్ బ్యూటీ కేతికా శర్మ హీరోయిన్గా చేయడం, ట్రైలర్ కొంచెం ఆసక్తిగా ఉండటంతో కొంతమేర క్రేజ్ను సంపాదించుకుంది. ఈ క్రేజ్కు మూవీ ప్రమోషన్లలో కేతికా శర్మ గ్లామర్ కాస్తా తోడైంది. కానీ ఇవేవి సినిమా కలెక్షన్లలు పెంచడంలో సహాయం చేయలేకపోయాయి.
ప్రీ రిలీజ్ బిజినెస్ డీటేల్స్..
రంగ రంగ వైభవంగా మూవీ ప్రీ రిలీజ్ బిజినెస్ విషయానికి వస్తే.. నైజాంలో రూ. 2.6 కోట్లు, సీడెడ్లో రూ. 1.3 కోట్లు జరిగింది. ఇక తెలుగు రాష్ట్రాలైన ఆంధ్రప్రదేశ్లో రూ. 3.6 కోట్లు, తెలంగాణలో రూ. 3.9 కోట్ల బిజినెస్ కాగా, కర్ణాటకతోపాటు రెస్టాఫ్ ఇండియా, ఓవర్సీస్ కలిపి రూ. 1 కోటి బిజినెస్ జరిగింది. అయితే ఈ మొత్తం కలిపి రూ. 8.50 కోట్ల బిజినెస్ సాధించగా.. లాభాల్లోకి (బ్రేక్ ఈవెన్) రావాలంటే రూ. 9 కోట్లు కలెక్ట్ చేయాల్సి ఉంది.
4వ రోజు కలెక్షన్లు..
4వ రోజు రంగ రంగ వైభవంగా సినిమాకు తెలుగు రాష్ట్రాల్లో వసూళ్లు కాస్త పెరిగినట్లు తెలుస్తోంది. ఫలితంగా నైజాంలో రూ. 14 లక్షలు, సీడెడ్లో రూ. 3 లక్షలు, ఉత్తరాంధ్రలో రూ. 4 లక్షలు, ఈస్ట్ గోదావరిలో రూ. 3 లక్షలు, వెస్ట్ గోదావరిలో రూ. 2 లక్షలు, గుంటూరులో రూ. 2 లక్షలు, కృష్ణాలో రూ. 2 లక్షలు, నెల్లూరులో రూ. 1 లక్షలతో కలిపి రూ. 31 లక్షలు షేర్, రూ. 50 లక్షలు గ్రాస్ వసూలు అయింది.
4 రోజులకు కలిపి వచ్చింది ఎంతంటే?
తెలుగు రాష్ట్రాల్లో రంగ రంగ వైభవంగా మూవీకి 4 రోజుల్లో మంచి వసూళ్లే వచ్చాయి. ఫలితంగా నైజాంలో రూ. 92 లక్షలు, సీడెడ్లో రూ. 25 లక్షలు, ఉత్తరాంధ్రలో రూ. 33 లక్షలు, ఈస్ట్ గోదావరిలో రూ. 23 లక్షలు, వెస్ట్ గోదావరిలో రూ. 16 లక్షలు, గుంటూరులో రూ. 28 లక్షలు, కృష్ణాలో రూ. 21 లక్షలు, నెల్లూరులో రూ. 13 లక్షలతో.. రూ. 2.51 కోట్లు షేర్, రూ. 4.30 కోట్లు గ్రాస్ వచ్చింది.
వరల్డ్వైడ్గా వసూళ్లు ఇలా..
రంగ రంగ వైభవంగా మూవీకి తెలుగు రాష్ట్రాల్లో 4 రోజుల్లో రూ. 2.51 కోట్ల షేర్ కలెక్ట్ చేయగా.. కర్నాటక ప్లస్ రెస్టాఫ్ ఇండియాలో రూ. 18 లక్షలు, ఓవర్సీస్లో రూ. 46 లక్షలు వసూలు చేసింది. వీటన్నింటితో కలుపుకుంటే 4 రోజుల్లో ఈ చిత్రానికి ప్రపంచ వ్యాప్తంగా రూ. 3.15 కోట్లు షేర్, రూ. 5.70 కోట్లు గ్రాస్ వసూలైంది.
టార్గెట్కు వచ్చిన లాభం ఎంతంటే?
ఇక రంగ రంగ వైభవంగా సినిమా రూ. 9 కోట్ల బ్రేక్ ఈవెన్ లక్ష్యంతో బాక్సాఫీస్ ప్రయాణం మొదలుపెట్టింది. ప్రస్తుతం రూ. 3.15 కోట్లు వసూలు చేసింది. ఈ సినిమా లాభాల్లోకి రావాలంటే కనీసం.. ఈ చిత్రం ఇంకా రూ. 5.85 కోట్లు రాబట్టాల్సి ఉంటుంది. ఈ చిత్రం ఏ మేరకు వసూళ్లను సాధిస్తుందో వేచి చూడాల్సిందే.