Varisu Advance booking.. వరల్డ్ వైడ్ విజయ్ సునామీ.. US, UK, ఫ్రాన్స్, శ్రీలంకలో రికార్డుల రచ్చ

సంక్రాంతి బరిలో చిరు, బాలయ్య, అజిత్‌తో

సంక్రాంతి బరిలో వీరసింహారెడ్డి, వాల్తేరు వీరయ్య, అజిత్ తెగింపు లాంటి భారీ చిత్రాల మధ్య భారీ పోటీతో వారిసు చిత్రం బాక్సాఫీస్ వద్ద తన అదృష్టాన్ని పరీక్షించుకొనేందుకు సిద్దమైంది. చిరంజీవి, బాలకృష్ణ, అజిత్ లాంటి హీరోలతో విజయ్ పోటీ పడుతూ రికార్డు కలెక్షన్లు రాబట్టేందుకు రెడీ అయ్యాడు. ఏపీ, తెలంగాణ, తమిళనాడులో థియేటర్ల సమస్యను అధిగమించి.. క్రేజీగా ప్రేక్షకుల ముందుకు విజయ్ రాబోతున్నాడు.

ఓవర్సీస్‌లో విజయ్‌కు భారీ ఒపెనింగ్స్

వారిసు సినిమా అడ్వాన్స్ బుకింగ్ ప్రపంచవ్యాప్తంగా భారీ స్పందనను కూడా గట్టుకొంటున్నది. తమిళం, తెలుగు, ఓవర్సీస్‌లో శ్రీలంక, యూఎస్ఏ, ఫ్రాన్స్, యూకే, ఆస్ట్రేలియా, సింగపూర్, మలేషియా, దుబాయ్ లాంటి దేశాల్లో రిలీజ్‌కు ప్లాన్ చేస్తున్నారు. అయితే ఇటీవల ప్రారంభమైన అడ్వాన్స్ బుకింగ్‌లో టికెట్లు హాట్ కేకుల్లా అమ్ముడు పోతుండటం ట్రేడ్ వర్గాలను ఆశ్చర్యానికి గురిచేస్తున్నాయి.

శ్రీలంకలో అడ్వాన్స్ బుకింగ్

శ్రీలంక దేశంలో విజయ్‌కు ఉన్న భారీ క్రేజ్, ఫాలోయింగ్‌ను వారిసు అడ్వాన్స్ బుకింగ్ తెలియజెప్పింది. అడ్వాన్స్ బుకింగ్ ప్రారంభమైన కొద్ది రోజుల్లోనే దేశవ్యాప్తంగా 34 శాతం అక్యుపెన్సీని నమోదు చేసింది. తాజా సమాచారం అందేసరికి శ్రీలకంలో 3600 టికెట్లు అమ్ముడుపోగా, ఇండియన్ కరెన్సీలో 35 లక్షల రూపాయల వసూళ్లను రాబట్టింది.

అమెరికా, కెనడాలో భారీ రెస్పాన్స్

అమెరికా, కెనడాలో కూడా వారిసు సినిమాకు మంచి రెస్పాన్స్ కనిపిస్తున్నది. అమెరికాలో తెలుగు, తమిళ భాషల్లో విడుదలవుతున్న విజయ్ సినిమాకు భారీ ఒపెనింగ్స్ లభిస్తున్నాయి. అమెరికా వ్యాప్తంగా 136 లొకేషన్లలో 259 షోల ద్వారా 43K డాలర్లు అంటే... దాదాపు 40 లక్షల రూపాయలను వసూలు చేసింది. త్వరలోనే ఈ చిత్రం 100K డాలర్లను వసూలు చేయవచ్చని ట్రేడ్ వర్గాలు వెల్లడిస్తున్నాయి.

ఫ్రాన్స్‌లో అడ్వాన్స్ రచ్చ..

యూరప్‌లో విజయ్ నటించిన వారిసు సినిమాకు భారీ ఒపెన్సింగ్స్ లభిస్తున్నాయి. ఈ చిత్రానికి సంబంధించి.. ప్రీమియర్లు, అడ్వాన్సు బుకింగ్ రూపంలో ఇప్పటికే €55k అంటే ఇండియన్ కరెన్సీలో సుమారు 50 లక్షల రూపాయలు వసూలు చేసిందని ట్రేడ్ వర్గాల ద్వారా సమాచారం. రిలీజ్ డేట్ సమీపిస్తున్న కొద్ది ఈ క్రేజ్ మరింత పెరిగే అవకాశం ఉందని వారు పేర్కొన్నారు.

బ్రిటన్‌లో హాట్ కేకుల్లా టికెట్ల అమ్మకాలు

ఇక బ్రిటన్‌లో వారిసు (వారసుడు) చిత్రం రికార్డులు తిరుగరాసే పరిస్థితి కనిపిస్తున్నది. యూకేలోని 4 సినిమా చైన్ థియేటర్లలో భారీగా అడ్వాన్స్ బుకింగ్ నమోదు అవుతున్నది. ప్రీమియర్, తొలి రోజు నుంచి నాలుగు రోజుల పాటు టికెట్లు బుకింగ్ అవుతున్నాయి. ఇప్పటికే 12500 టికెట్లు అమ్ముడుపోయాయి. సిని వరల్డ్‌లో 9100 టికెట్లు, ఓడియెన్‌లో 1082 టికెట్లు, వ్యూ లో 500, షో కేస్‌ మల్టీప్లెక్స్‌లో 400 టికెట్లు అమ్మడయ్యాయి. ఈ టికెట్ల ద్వారా 1.62 కోట్ల రూపాయలు అంటే £85k ($196k డాలర్లు) పౌండ్స్ వసూలు చేసింది.