హోమ్

బాక్సాఫీస్

బాక్సాఫీస్ వద్ద గద్దలకొండ గణేష్ హవా కొనసాగుతూనే ఉంది. సెప్టెంబర్ 20 (శుక్రవారం) విడుదలైన ఈ సినిమా మూడో రోజు కూడా డీసెంట్ కలెక్షన్స్ రాబట్టింది. విడుదలకు ఒక్క రోజు ముందే వాల్మీకి నుంచి గద్దలకొండ గణేష్ గా ఈ సినిమా పేరు మార్చేసిన సంగతి తెలిసిందే. అయినప్పటికీ ఆ ప్రభావం ఈ సినిమా పై పడకుండా విజయవంతంగా రన్ అవుతుండటం ట్రేడ్ వర్గాల్లో ఆనందం చిగురింప జేస్తోంది.

గద్దలకొండ గణేష్ (వాల్మీకి) చిత్రం తొలి రోజునే తెలుగు రాష్ట్రాల్లో భారీ వసూళ్లను సాధించింది. అదే జోష్ కొనసాగిస్తూ మూడు రోజుల్లో ఈ సినిమా 13.4 కోట్ల రూపాయల షేర్ రాబట్టింది. ప్రస్తుతం గద్దలకొండ గణేష్ జోష్ చూస్తుంటే ఈ వారం అంతా వరుణ్ తేజ్ హవా కొనసాగుతుందని తెలుస్తోంది. చిత్రంలో వరుణ్ నటనపై సినీ ప్రముఖులు సైతం ప్రశంసలు గుప్పిస్తుండటం సినిమాకు బాగా కలిసొచ్చే అంశం. పరిస్థితి చూస్తుంటే ఈ వారాంతం వరకు వసూళ్లు నిలకడగా ఉండే అవకాశం ఉందని అంటున్నారు ట్రేడ్ విశ్లేషకులు.

మరోవైపు యూఎస్‌లోనూ గద్దలకొండ గణేష్ వసూళ్లు ఆశాజనకంగానే ఉన్నట్లు సమాచారం. ఈ వారం పెద్ద సినిమాల విడుదల లేకపోవడం ఈ సినిమా వసూళ్లకు అనుకూలించే మరో అంశం. అక్టోబరు 2న 'సైరా నరసింహా రెడ్డి' విడుదల వరకు గద్దలకొండ గణేష్ గత్తరను ఆపడం కష్టం అంటున్నారు విశ్లేషకులు.