Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అఖండ రికార్డును బ్రేక్ చేసిన వీర సింహా రెడ్డి.. బాలయ్య బాబు కెరీర్ లో న్యూ రికార్డ్!
నందమూరి బాలకృష్ణ గత కొంతకాలంగా బాక్సాఫీస్ వద్ద సరికొత్త రికార్డులను క్రియేట్ చేస్తున్నాడు. ఆయన రేంజ్ ఇటీవల కాలంలో అయితే మామూలుగా పెరగలేదు అని చెప్పవచ్చు. అన్ స్టాపబుల్ ద్వారా జనాలకు మరింత దగ్గరైన బాలకృష్ణ ఇప్పుడు అఖండ సినిమా తర్వాత వీర సింహారెడ్డి సినిమాతో మరోసారి కొత్త రికార్డును క్రియేట్ చేశాడు. అతని కెరీర్ లోనే వీరసింహారెడ్డి మర్చిపోలేని విధంగా ఓపెనింగ్స్ అందుకుంది. ఇక ఈ సినిమా మొత్తానికి అఖండకు సంబంధించిన ఒక రికార్డును కూడా బ్రేక్ చేసింది. ఆ వివరాల్లోకి వెళితే..
బాక్సాఫీస్ వద్ద జై బాలయ్య బ్రాండ్
నందమూరి బాలకృష్ణ రేంజ్ రోజురోజుకీ మరింత పెరిగిపోతుంది. ఆహా ఓటీటీ ప్లాట్ఫారంలో ఆయన మొదలుపెట్టిన అన్ స్టాపబుల్ షో ఏ స్థాయిలో గుర్తింపు అందుకుందో ప్రత్యేకంగా చెప్పనవసరం లేదు. దేశంలోనే నెంబర్ వన్ టాక్ షోగా క్రేజ్ అందుకోగా బాలయ్య బాబు తన అభిమానుల సంఖ్యను కూడా పెంచుకుంటున్నాడు. జై బాలయ్య అనే బ్రాండ్ ఇప్పుడు బాక్స్ ఆఫీస్ వద్ద బాగానే ఉపయోగపడుతోంది.
అఖండ టోటల్ కలెక్షన్స్
నందమూరి బాలకృష్ణ కెరీర్లో అఖండ సినిమా మొన్నటి వరకు అత్యధిక కలెక్షన్స్ అందుకున్న సినిమాగా నిలిచింది. బోయపాటి శ్రీను దర్శకత్వంలో వచ్చిన ఆ సినిమా ఎలాంటి ఫలితాన్ని అందుకుందో ప్రత్యేకంగా చెప్పనవసరం లేదు. ప్రపంచవ్యాప్తంగా ఆ సినిమా 75.50 కోట్ల షేర్ తో పాటు 133 కోట్ల గ్రాస్ కలెక్షన్స్ సొంతం చేసుకుంది. అప్పటివరకు బాలయ్య బాబు ఆ రేంజ్ లో ఏ సినిమాతో కలెక్షన్స్ అందుకోలేదు.
వీరసింహారెడ్డి రెడ్డికి భారీ ఒపెనింగ్స్
ఇక ఇప్పుడు నందమూరి బాలకృష్ణ నటించిన మాస్ కమర్షియల్ మూవీ వీరసింహారెడ్డి సినిమా కూడా అదే తరహాలో మంచి ఫలితాన్ని సొంతం చేసుకుంటోంది. ఈ సినిమాకు మొదట్లో కొంత నెగిటివ్ టాక్ అయితే వచ్చింది. అయినప్పటికీ కూడా ఓపెనింగ్స్ గట్టిగానే వచ్చాయి. కలెక్షన్స్ ఏమాత్రం తగ్గలేదు. బాలయ్య బాబు తన స్టార్ ఇమేజ్ తోనే కలెక్షన్స్ నెంబర్స్ ను పెంచుకుంటూ వెళ్ళాడు.
అఖండ రికార్డు బ్రేక్
గోపీచంద్ మలినేని దర్శకత్వంలో వచ్చిన వీర సింహారెడ్డి సినిమా 73 కోట్ల ఆ రేంజ్ లో బిజినెస్ చేసింది ఇక ఈ సినిమా మొదటివారం ముగిసేసరికి బాక్సాఫీస్ వద్ద టోటల్ గా 53.49 కోట్ల షేర్ కలెక్షన్స్ అందుకుంది. అంటే బాలకృష్ణ అఖండ సినిమా మొదట వారం 52 కోట్ల రికార్డును ఈ సినిమా బ్రేక్ చేసింది. మొదటి వారంలో ఇప్పటివరకు బాలకృష్ణ కెరీర్లు అత్యధిక కలెక్షన్స్ అందుకున్న సినిమాగా వీరసింహారెడ్డి నిలిచింది.
సక్సెస్ కావాలి అంటే..
ఇక వీర సింహారెడ్డి బుధవారం బాగానే కలెక్షన్స్ అందుకుంది. కానీ ఇంకా బ్రేక్ ఈవెన్ ను అయితే ఈ సినిమా పూర్తి చేయలేదు. ఈ సినిమా మొత్తంగా బాక్సాఫీస్ వద్ద అయితే 73 కోట్ల బిజినెస్ చేసింది. అంటే 74 కోట్ల టార్గెట్ అందుకుంటేనే ప్రాఫిట్ లోకి వచ్చినట్లు లెక్క. ఇక ఈ సినిమా సక్సెస్ కావాలి అంటే బాక్సాఫీస్ లెక్కల ప్రకారం మరో 5 కోట్లు దాటితేనే ప్రాఫిట్ లిస్టులోకి వస్తుంది. మరి ఆ నెంబర్స్ ను ఎన్ని రోజుల్లో అందుకుంటుందో చూడాలి.