Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బాక్సాఫీస్ను షేక్ చేస్తున్న యూరీ.. ఇప్పటికే 200% లాభం..సెన్సేషన్ హిట్!
బాలీవుడ్లో చిన్న చిత్రంగా రిలీజై భారీ విజయాన్ని అందుకొన్న సినిమా యూరీ: ది సర్జికల్ స్ట్రైక్. సంజూ ఫేం వికీ విశాల్ నటించిన ఈ చిత్రం బాక్సాఫీస్ను షేక్ చేస్తున్నది. ప్రపంచవ్యాప్తంగా ఆశ్చర్యకరమైన వసూళ్లను రాబడుతూ బ్లాక్బస్టర్ విజయం వైపు దూసుకెళ్తున్నది. ఈ చిత్రం వారం రోజుల కలెక్షన్లు ఇలా ఉన్నాయి.
2019లో సెన్సేషనల్ హిట్గా
2019లో అతిపెద్ద విజయం సాధించిన చిత్రంగా యూరీ: ది సర్జికల్ స్ట్రైక్ చిత్రం ఓ రికార్డును అందుకొన్నది. ఈ చిత్రాన్ని రూ.28 కోట్ల బడ్జెట్తో రూపొందించగా ఇప్పటికే రూ.70 కోట్లకుపైగా వసూళ్లను సాధించింది. మరికొన్ని రోజుల్లో రూ.100 కోట్ల క్లబ్లో చేరింది.
వారం రోజుల కలెక్షన్లు ఇలా
జనవరి 11న రిలీజైన యూరీ.. చిత్రం మొదటి రోజు నుంచే బ్రహ్మండమైన వసూళ్లను సాధిస్తున్నది. శుక్రవారం రూ.8.20 కోట్లు, శనివారం రూ.12.43 కోట్లు, ఆదివారం రూ.15.10 కోట్లు, సోమవారం రూ.10.51 కోట్లు, మంగళవారం రూ.9.57 కోట్లు, బుధవారం రూ.7.73 కోట్లు, గురువారం రూ.7.40 కోట్లు వసూలు చేసింది.
భావోద్వేగమైన యూరీ కథ ఇదే
2016 సెప్టెంబర్ 29న భారతీయ నియంత్రణ రేఖ వద్ద పాక్ సైనిక స్థావరాలపై భారత సైన్యం ఏడు ప్రదేశాల్లో చేపట్టిన మెరుపు దాడుల నేపథ్యంగా యూరీ: సర్జికల్ స్ట్రైక్స్ చిత్రం రూపొందింది. పాక్పై భారత సైన్య దాడులతో ఆర్మీ తన సత్తాను చాటింది. తెర మీద ఈ కథ భావోద్వేగాన్ని పండించే విధంగా ఉందనే మాట ప్రేక్షకుల నుంచి వస్తున్నది.
నటీనటులు, సాంకేతిక విభాగాలు
దేశభక్తి, భావోద్వేగ కథతో రూపొందిన ఈ చిత్రంలో సంజూ ఫేం వికీ కుషాల్, పరేష్ రావల్, యామీ గౌతమీ తదితరులు నటించారు. ఈ చిత్రాన్ని రోని స్క్రీవ్వాలా నిర్మించగా, ఆదిత్య ధార్ దర్శకత్వం వహించారు. రానున్న రోజుల్లో భారీ చిత్రాల విడుదల లేకపోవడం వల్ల ఈ చిత్ర వసూళ్లకు ఎదురే లేదనే మాట వినిపిస్తున్నది.