Bichagadu 2 Pre Release Bussiness: ఈసారి తెలుగులో ఎంతకు అమ్మారంటే.. బాక్సాఫీస్ టార్గెట్ ఫిక్స్!

విజయ్ ఆంటోని మొదట సంగీత దర్శకుడిగా తనకంటూ ఒక ప్రత్యేకమైన గుర్తింపు అందుకొని అనంతరం నటుడిగా ఎదిగిన విషయం తెలిసిందే. అలాగే దర్శకుడు-చిత్ర నిర్మాతగా కూడా విజయ్ మరింత క్రేజ్ అందుకునే ప్రయత్నం చేస్తున్నాడు. ఇప్పుడు బిచ్చగాడు 2 (తమిళంలో "పిచైక్కారన్ 2") అనే సినిమాతో మరోసారి తన అదృష్టాన్ని పరీక్షించుకోవడానికి సిద్ధమయ్యాడు. ఈ సినిమాపై తమిళంలోనే కాకుండా తెలుగులో కూడా పాజిటివ్ హైప్ ఏర్పడింది. ఆ వివరాల్లోకి వెళితే..

2016లో వచ్చిన బిచ్చగాడు:2016లో "బిచ్చగాడు" అనే సినిమాతో విజయ్ ఆంటోనీ బాక్సాఫీస్ వద్ద మంచి విజయాన్ని అందుకున్నాడు. ఆ సినిమా తమిళంలో కంటే తెలుగులోనే అద్భుతమైన కలెక్షన్స్ అందుకుంది. తెలుగు హక్కులను దాదాపు 2.50 కోట్లకు సొంతం చేసుకోగా ఊహించని స్థాయిలో బయ్యర్ కు మంచి లాభాలను అందించింది. ఆ సినిమా ఆ రేంజ్ లో హిట్ అవుతుంది అని ఎవరు ఊహించలేదు.

అప్పట్లో కలెక్షన్స్ ఎంతంటే..:2016లో వచ్చిన బిచ్చగాడు చిత్రం యొక్క డబ్బింగ్ వెర్షన్ అన్ని అంచనాలను అధిగమించింది. ఆంధ్రప్రదేశ్ తెలంగాణలలో 26.5 కోట్లను వసూలు చేసింది. అయితే తమిళ ఎడిషన్ తమిళనాడులో 16 కోట్లను వసూలు చేయగా తెలుగులో అంతకంటే ఎక్కువగా వచ్చాయి. ఈ చిత్రానికి ప్రపంచవ్యాప్త వసూళ్లు ఆశ్చర్యపరిచే విధంగా 42.5 కోట్లకు చేరుకున్నాయి. కమర్షియల్ గా డిస్ట్రిబ్యూటర్స్ కు మంచి ప్రాఫిట్స్ అందించింది.

అందరి ఫోకస్ ఈ సినిమాపైనే..:విజయ్ ఆంటోని ఇటీవలి వరుస విజయాల దృష్ట్యా అందరి ఫోకస్ ఇప్పుడు "బిచ్చగాడు 2" పైనే ఉంది. అభిమానులు అలాగే పరిశ్రమ పరిశీలకులు బాక్సాఫీస్ వద్ద దాని ప్రదర్శన కోసం ఆసక్తిగా ఎదురుచూస్తున్నారు. పరిశ్రమలో పవర్‌హౌస్‌గా విజయ్ ఆంటోని స్థానాన్ని మళ్లీ నిలబెట్టే అవకాశం ఉన్నందున సినిమా మొదటి రోజు ఏ స్థాయిలో కలెక్షన్స్ అందుకుంటుంది అనేది కూడా ఆసక్తిని కలిగిస్తోంది.

ఈసారి తెలుగు థియేట్రికల్ బిజినెస్:విడుదలైన "బిచ్చగాడు 2" ట్రైలర్ తోనే అభిమానులలో విపరీతమైన అంచనాలను రేకెత్తించాడు. ఈ చిత్రం మే 19, తమిళం తెలుగు భాషలలో ప్రేక్షకుల ముందుకు రావడానికి సిద్ధమవుతోంది. బిజినెస్ పరంగా.. "బిచ్చగాడు 2" తెలుగు రాష్ట్రాల్లో 6 కోట్ల వరకు థియేట్రికల్ బిజినెస్ చేసినట్లు సమాచారం. దీంతో సినిమా తెలుగు బ్రేక్-ఈవెన్ టార్గెట్‌ 6.25 కోట్లకు సెట్ అయ్యింది. విడుదల తేదీ సమీపిస్తున్న కొద్దీ, "బిచ్చగాడు 2" చుట్టుపక్కల సందడి పెరుగుతూనే ఉంది. ఆకర్షణీయమైన కథాంశం, ఆకర్షణీయమైన క్యాస్టింగ్ వలన విజయ్ ఆంటోని ఈసారి సక్సెస్ కొట్టవచ్చు అని టాక్ వస్తోంది.

స్వీయ దర్శకత్వంలో..:విడుదలైన సినిమా ట్రైలర్ కు కూడా మంచి రెస్పాన్స్ వచ్చింది. ఇక ఈ సినిమాకు విజయ్ నిర్మాత మాత్రమే కాదు ఆయన దర్శకత్వం వహించారు. అంతేకాకుండా అతనే సంగీతం అందించాడు. మొత్తంగా విజయ్ అంటోని ఈ సినిమాను విభిన్నమైన తరహాలో తెరపైకి తీసుకు వస్తున్నాడు. అన్ని రకాలుగా సినిమాపై పాజిటివ్ వైబ్రేషన్స్ క్రియేట్ అయ్యే విధంగా ప్రమోషన్స్ కూడా చేస్తున్నారు. మరి ఈ సినిమా అతనికి బాక్సాఫీస్ వద్ద ఎలాంటి ఫలితాన్ని ఇస్తుందో చూడాలి.