డియర్ కామ్రేడ్ ఫస్ట్ డే కలెక్షన్ రిపోర్ట్.. రెండు తెలుగు రాష్ట్రాల్లో కలిపి

రెండు తెలుగు రాష్ట్రాల్లో కలిపి

రౌడీ స్టార్ విజయ్ దేవరకొండ క్రేజ్ దృష్ట్యా ఈ సినిమా భారీ రేంజ్‌లో ఓపెన్ అయింది. రెండు తెలుగు రాష్ట్రాల్లో విడుదలైన అన్ని సెంటర్లలో హౌస్‌ఫుల్ ఆకుపెన్సీతో సందడి వాతవరణం కనిపించింది. తొలి రోజు రెండు తెలుగు రాష్ట్రలో కలిపి ఈ సినిమా 7. 49 కోట్లు రాబట్టినట్లుగా ట్రేడ్ వర్గాలు తెలిపాయి.

ఏరియా వైస్‌గా చూస్తే..

నిజాం 3.02 కోట్లు, సీడెడ్ 0.88 కోట్లు, నెల్లూరు 0.26 కోట్లు, గుంటూరు 62.50 లక్షలు
కృష్ణా 0.38 కోట్లు, వెస్ట్ గోదావరి 53.25 లక్షలు, ఈస్ట్ గోదావరి 0.90 కోట్లు అదేవిధంగా ఉత్తరాంధ్రలో 88.72 లక్షల రూపాయల వసూళ్లు రాబట్టింది డియర్ కామ్రేడ్.

యూఎస్‌లో ఫస్ట్ వీకెండ్ 1 మిలియన్ గ్యారంటీ!

మరోవైపు యూఎస్ఏ బాక్సాఫీస్ వద్ద ప్రీమియర్ షోల ద్వారా 273,000 డాలర్లు రాబట్టింది డియర్ కామ్రేడ్. ఈ లెక్కన చూస్తే ఫస్ట్ వీకెండ్ ముగిసే సరికి 1 మిలియన్ డాలర్ల వసూళ్లు గ్యారంటీ అంటున్నారు విశ్లేషకులు. కేవలం తెలుగులో మాత్రమే కాకుండా యూఎస్ఏలో సైతం కన్నడ, మలయాళం, తమిళ వెర్షన్ కూడా విడుదల చేస్తుండటం వసూళ్ల పరంగా కలిసొస్తుందని అంచనా వేస్తున్నారు.

టాక్ పరంగా చూస్తే..

చిత్రంలో విజయ్, రష్మిక కెమిస్ట్రీకి మరోసారి మంచి మార్కులు పడ్డాయి. విజయ్ గత చిత్రాలైన టాక్సీవాలా, అర్జున్ రెడ్డి, గీత గోవిందం సినిమాలకంటే 'డియర్ కామ్రేడ్' బెటర్ అని మాత్రం చెప్పలేము అంటున్నారు సినిమా చూసిన ప్రేక్షకులు.

డియర్ కామ్రేడ్ ప్రీ రిలీజ్ బిజినెస్

డియర్ కామ్రేడ్ ప్రీ రిలీజ్ బిజినెస్ కూడా బాగానే జరిగింది. ‘డియర్ కామ్రేడ్' మూవీ రైట్స్ తెలుగు రాష్ట్రాల్లో రూ. 22 కోట్లకు అమ్ముడైనట్లు తెలిసింది. వరల్డ్ వైడ్ అన్ని ఏరియాల్లో కలిపి రూ. 34 కోట్లకు సినిమాను అమ్మినట్లు సమాచారం. విజయ్ కెరీర్లో ది బెస్ట్ ప్రీ రిలీజ్ బిజినెస్‌గా దీన్ని పేర్కొంటున్నారు.