‘వినయ విధేయ రామ’ క్లోజింగ్ కలెక్షన్స్... ఎంత నష్టం అంటే?

బిజినెస్ క్లోజ్- వరల్డ్ వైడ్ షేర్ ఎంతంటే?

ట్రేడ్ వర్గాల నుంచి అందుతున్న సమాచారం ప్రకారం... ‘వినయ విధేయ రామ' చిత్రం ఫుల్ రన్‌లో ప్రపంచ వ్యాప్తంగా రూ. 62.85 కోట్ల షేర్ రాబట్టింది. అయితే ఇంత భారీ షేర్ వసూలైనప్పటికీ డిస్ట్రిబ్యూటర్లు బయటపడలేక పోయారు.

ఎంత నష్టం ఏర్పడిదంటే..

‘వినయ విధేయ రామ' థియేట్రికల్ రైట్స్ రూ. 92 కోట్లకు అమ్మారు. అయితే వారు పెట్టిన పెట్టుబడిలో కేవలం 68 శాతం ( రూ. 62.85 కోట్లు) మాత్రమే వసూలైంది. దాదాపు 32 శాతం (రూ. 30 కోట్లు) నష్టపోయినట్లు తెలుస్తోంది.

ఏరియా వైజ్ షేర్

నైజాం: రూ. 12.60 కోట్లు, సీడెడ్ రూ. 11.98 కోట్లు, నెల్లూరు రూ. 2.90 కోట్లు, కృష్ణ రూ. 3.77 కోట్లు, గుంటూరు రూ. 6.40 కోట్లు, వైజాగ్ రూ. 8.30 కోట్లు, ఈస్ట్ గోదావరి రూ. 5.30 కోట్లు, వెస్ట్ గోదావరి రూ. 4.35 కోట్లు, కర్నాటక రూ. 5.75 కోట్లు, ఓవర్సీస్ రూ. 1.50 కోట్ల షేర్ వసూలు చేసింది.

రామ్ చరణ్ స్టామినా

అయితే సినిమా డిజాస్టర్ టాక్ తెచ్చుకున్నప్పటికీ రూ. 62.85 కోట్ల షేర్ రాబట్టడం అందరినీ ఆశ్చర్య పరుస్తోంది. రామ్ చరణ్ సినిమా స్టామినా రంగస్థలం తర్వాత మరింత పెరిగిందని, సినిమా బావుండి ఉంటే మంచి లాభాలు వచ్చేవనే అభిప్రాయాలు వ్యక్తం అవుతున్నాయి.

సంక్రాంతి సినిమాలో 2వ స్థానం

సంక్రాంతికి తెలుగులో 3 సినిమాలు విడుదలవ్వగా.... ‘వినయ విధేయ రామ' 2వ స్థానం దక్కించుకుంది. సూపర్ హిట్ టాక్‌తో ఎఫ్ 2 మొదటి స్థానంలో నిలవగా, ఆ తర్వాతి స్థానాల్లో వినయ విధేయ రామ్, ఎన్టీఆర్-కథానాయకుడు చిత్రాలు నిలిచాయి.