Waltair Veerayya 6 day collections 150 కోట్ల వాల్లేరు వీరయ్య.. చిరంజీవి మూవీకి ఎంత లాభమంటే?

తెలుగు రాష్ట్రాల్లోనే 100 కోట్లు

తెలుగు రాష్ట్రాల్లో వాల్తేరు వీరయ్య సినిమా కలెక్షన్ల వివరాల్లోకి వెళితే. తొలి రోజు ఏపీ, నైజాంలో కలిపి 30 కోట్లు, రెండో రోజు 20 కోట్లు, మూడో రోజు 20 కోట్లు, నాలుగో రోజు 17 కోట్లు, ఐదో రోజు 13 కోట్లతో దాదాపు 110 కోట్ల వసూళ్లను నమోదు చేసింది. చిరంజీవి కెరీర్‌లో అత్యంత వేగంగా 100 కోట్లు సాధించిన చిత్రంగా రికార్డు క్రియేట్ చేసింది.

ఓవర్సీస్‌లో 20 కోట్లు

ఇక ఓవర్సీస్ విషయానికి వస్తే.. గత ఐదు రోజుల్లో అమెరికాలో 14 కోట్లకుపైగా, ఆస్ట్రేలియాలో 1.25 కోట్లు, న్యూజిలాండ్‌లో 9 లక్షలు, యూకేలో 1.29 కోట్లు, యూఏఈలో 1 కోటి, మిగితా దేశాల్లో 52 లక్షల రూపాయలు వసూలుచేసింది. అలాగే కెనడా, సింగపూర్, యూరప్‌లో 1 కోటి వసూళ్లను రాబట్టింది. ఓవర్సీస్‌లో దాదాపు 20 కోట్ల రూపాయలను కొల్లగొట్టింది.

వాల్తేరు వీరయ్య 6వ రోజు ఆక్యుపెన్సీ

గత ఐదు రోజులుగా కలెక్షన్ల జోరు ప్రదర్శిస్తున్న వాల్తేరు వీరయ్య 6వ రోజు వర్కింగ్ డే రోజు కూడా భారీగా ఆక్యుపెన్సీ నమోదు చేసింది. హైదరాబాద్‌లో 30 శాతం, చెన్నైలో 45 శాతం, విజయవాడలో 41 శాతం, వరంగల్‌లో 24 శాతం, గుంటూరులో 51 శాతం, కరీంనగర్‌లో 70 శాతం, కాకినాడలో 92 శాతం, నెల్లూరులో 81 శాతం వసూళ్లను సాధించింది.

6వ రోజు వీరయ్య వీరంగం

ఇక వాల్తేరు వీరయ్య సినిమా 6వ రోజు కలెక్షన్ల అంచనా విషయానికి వస్తే.. భారీగానే వసూళ్లు నమోదయ్యాయి. ఈ చిత్రం 6వ రోజున దాదాపు 10 కోట్ల కలెక్షన్లను ఏపీ, తెలంగాణ, కర్ణాటకలో రాబట్టే అవకాశం ఉంది. అలాగే ఓవర్సీస్‌లో 223 లోకేషన్లలో 36 లక్షల రూపాయలు వసూలు చేసే ఛాన్స్ ఉంది. దాంతో ఈ సినిమా దాదాపు 11 కోట్ల రూపాయలు వసూలు చేస్తుందని ట్రేడ్ వర్గాలు వెల్లడిస్తున్నాయి.

ఆరో రోజు లాభాల్లోకి వీరయ్య

వాల్తేరు వీరయ్య చిత్రం విడుదలకు ముందు భారీగా బిజినెస్ చేసింది. వరల్డ్ వైడ్‌గా ఈ సినిమా ప్రీ రీలీజ్ బిజినెస్ 88 కోట్ల మేరకు చేసింది. దాంతో ఈ సినిమా కనీసం 90 కోట్లు రాబడితే.. బ్రేక్ ఈవెన్ అవుతుంది. గత ఐదు రోజు్లో ఈ సినిమా 84 కోట్ల షేర్, 145 కోట్ల గ్రాస్ వసూళ్లను రాబట్టింది. 6వ రోజు కలిపితే.. ప్రపంచవ్యాప్తంగా బ్రేక్ ఈవెన్ సాధించినట్టు అవుతుంది.