Don't Miss!
- News కాంగ్రెస్ సర్కారును టచ్ చేస్తే..: బీజేపీ, బీఆర్ఎస్లకు సీఎం రేవంత్ హెచ్చరిక
- Sports LSG vs CSK: ధోనీ పవర్ హిట్టింగ్.. మెరిసిన జడేజా
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
వరల్డ్ ఫేమస్ లవర్ 3 డేస్ కలెక్షన్స్: పరిస్థితి చూస్తుంటే..
క్రాంతి మాధవ్ దర్శకత్వంలో విజయ్ దేవరకొండ హీరోగా రూపొందిన లేటెస్ట్ మూవీ 'వరల్డ్ ఫేమస్ లవర్'. ప్రేమికుల రోజు కానుకగా ఫిబ్రవరి 14న విడుదలైన ఈ సినిమా ఆశించిన ఫలితం రాబట్టడం లేదని తాజా రిపోర్ట్స్ తెలుపుతున్నాయి. విజయ్ దేవరకొండ రేంజ్ వసూళ్లు రావడం లేదని స్పష్టమవుతోంది. 3 రోజుల్లో ఈ సినిమా వసూళ్ల వివరాలు చూస్తే..
మరింత క్లిష్టంగా పరిస్థితి.. మూడో రోజు వచ్చేసరికి
విడుదలైన తొలిరోజే మిశ్రమ స్పందన తెచ్చుకున్న ఈ మూవీ రెండో రోజుకు చేరుకునే సరికి కాస్త డీలా పడింది. మూడో రోజు ఆదివారం సెలవు దినం అయినప్పటికీ మనోడి వసూళ్లలో ఏ మాత్రం పరిణితి కనిపించలేదు. రెండు రోజుల్లో 7.5 కోట్ల రేంజ్ షేర్ మాత్రమే వసూలు చేసి.. మూడో రోజుకి వచ్చేసరికి పరిస్థితి మరింత క్లిష్టంగా మారింది.
రెండో రోజుతో పోల్చితే మూడో రోజు
మూడో రోజు మార్నింగ్ అండ్ మ్యాట్నీ షోలకు రెండో రోజుతో పోల్చితే 30% కి పైగా డ్రాప్స్ జరిగాయి. ఈవినింగ్ అండ్ నైట్ షోలలో అయినా గ్రోత్ని సాధిస్తుంది అనుకుంటే అది కూడా కనిపించలేదు. కేవలం ఫస్ట్ షో మాత్రమే కాస్త ఫర్వాలేదనిపించినా, నైట్ షో వరకు మళ్ళీ కలెక్షన్ డ్రాప్స్ కనిపించాయి.
మూడో రోజు షేర్ ఎంతంటే..
రెండో రోజు 2.8 కోట్ల నుండి 3 కోట్ల షేర్ వసూలు చేసిన వరల్డ్ ఫేమస్ లవర్.. మూడో రోజు 1.2 కోట్ల రేంజ్ షేర్ రాబట్టింది. సెలవు దినం కూడా ఇలా కలెక్షన్స్ డ్రాప్ కావడం సినిమా డిసాస్టర్కి అద్దం పడుతోంది. సో ఏదైనా అద్బుతం జరిగితే తప్ప ఈ సినిమా హిట్ అనిపించుకోవడం కష్టం అని తెలుస్తోంది.
ప్రీ రిలీజ్ బిజినెస్ ఓకే.. ఇప్పుడు చూస్తే
విజయ్ దేవరకొండ చిత్రానికి యూత్లో ఎనలేని క్రేజ్ ఉంటుంది. దానికి తగ్గట్టే విజయ్ చిత్రాలకు మంచి బిజినెస్ వస్తుంది. ఇదే బాటలో వరల్డ్ ఫేమస్ లవర్ కూడా భారీ రేటుకు అమ్ముడయింది. కానీ విడుదల తర్వాత 'వరల్డ్ ఫేమస్ లవర్' కలెక్షన్స్ ఊరట కలిగించడం లేదు.
Recommended Video
బ్రేక్ ఈవెన్ దాటాలంటే..
తెలుగు రాష్ట్రాల్లో ఈ చిత్ర హక్కులు దాదాపు 23 కోట్లకు సేల్ అయ్యాయి. నైజాంలో రూ.9 కోట్లు, సీడెడ్లో రూ.4 కోట్లు, ఆంధ్రాలో రూ.10 కోట్లు ప్రీ రిలీజ్ బిజినెస్ జరిగింది. తెలుగేతర రాష్ట్రాల్లో ఈ చిత్రం రూ.4 కోట్లు, ఓవర్సీస్లో రూ.3.5 కోట్లతో మొత్తంగా 30 కోట్లకుపైగా బిజినెస్ నమోదు చేసింది. సో ఈ మార్క్ దాటాలంటే మనోడు చాలా స్పీడ్ కావాల్సిన అవసరం ఉంది. చూడాలి మరి ముందు ముందు పరిస్థితి ఎలా ఉంటుందో!.