Don't Miss!
- News బీఆర్ఎస్కు భారీ షాక్: ఎంపీ కే కేశవరావు, మేయర్ విజయలక్ష్మి కాంగ్రెస్లోకి
- Sports RR vs DC: రియాన్ పరాగ్ విధ్వంసం.. 6 బంతుల్లో 5 బౌండరీలు!
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
జోకర్ కలెక్షన్ల సునామీ.. మరో మైలురాయి దాటేసి సరికొత్త రికార్డ్
జాక్విన్ ఫీనిక్స్ ముఖ్యపాత్రలో తెరకెక్కి సరికొత్త సంచలనాలకు తెరలేపుతోంది జోకర్ సినిమా. అక్టోబర్ 2వ తేదీన విడుదలైన ఈ సినిమా కాసుల వర్షం కురిపిస్తూ ప్రపంచ సినిమా బాక్సాఫీసునే షేక్ చేస్తోంది. భారీ అంచనాలతో వచ్చిన ఈ చిత్రం అందరి ఎక్స్పెక్టేషన్స్ను అధిగమించి రికార్డులను తిరగరాస్తుండటం ఆశ్చర్యానికి గురిచేస్తోంది. విడుదల రోజు మొదలుకొని నేటికీ కలెక్షన్ల ప్రవాహం ఆగడం లేదు.
ప్రపంచవ్యాప్తంగా జోకర్ రాబట్టిన ఫిగర్ చూస్తే కళ్ళు చెదిరిపోతున్నాయి. ఇప్పటికే 999.1 మిలియన్ డాలర్ల వసూళ్లు రాబట్టి సెన్సేషన్ క్రియేట్ చేసింది జోకర్. వివాదస్ప చిత్రాలకు కేరాఫ్ అడ్రస్ అయిన టాడ్ ఫిలిప్స్ దర్శకత్వంలో తెరకెక్కిన ఈ సినిమా ప్రస్తుతం మంచి లాభాల్లో కొనసాగుతోంది. వార్నర్ బ్రదర్స్, డీసీ ఫిల్మ్ సంయుక్త నిర్మాణంలో తెరకెక్కిన ఈ చిత్రం వెనిస్ ఫిల్మ్ ఫెస్టివల్లో గోల్డెన్ లయన్ బహుమతి కూడా గెలుచుకోవడం విశేషం.
తాజాగా జోకర్ సినిమా మరో అరుదైన ఘనతను సాధించింది. 1 బిలియన్ డాలర్ క్లబ్లో చేరి వావ్ అనిపించింది. భారత కరెన్సీలో చూస్తే ఈ మొత్తం 71,63,50,00,000 కోట్ల రూపాయలు. గతంలో ఇంతమొత్తం సాధించిన చిత్రాల్లో బిహైండ్ ఆక్వామాన్ ($1.15 బిలియన్), ది డార్క్ నైట్ రైసెస్ ($1.084 బిలియన్) ది డార్క్ నైట్ ($1.005 బిలియన్) ఉన్నాయి.
భారతదేశంలో కూడా అధిక వసూళ్లను సాధించిన జోకర్ సినిమా.. 785 మిలియన్ డాలర్లు సాధించిన ర్యాన్ రేడోల్స్ స్టారర్ 'డెడ్పూల్-2' చిత్రం రికార్డును బద్దలు కొట్టి పరుగులు పెడుతోంది.