సాహో కలెక్షన్ల సునామీ.. ఎక్కడ చూసినా అదే పరిస్థితి.. వారం తిరిగే సరికి ఎంత రాబట్టిందో తెలుసా..?

విడుదలైన అన్ని ఏరియాల్లో

ఫ్యాన్ ఇండియా సినిమాగా తెలుగుతో పాటు హిందీ, తమిళ, మలయాళీ భాషల్లో విడుదలైంది సాహో. యాక్షన్ ఓరియెంటెడ్ సినిమాగా ప్రేక్షకుల ముందుకొచ్చిన ఈ సినిమా భాషతో సంబంధం లేకుండా అన్ని ఏరియాల్లో డీసెంట్ గా రన్ అవుతూ భారీ వసూళ్లు రాబడుతోంది. మొదట్లో వచ్చిన నెగెటివ్ రివ్యూస్ సినిమాను ఏ మాత్రం ప్రభావితం చేయలేకపోయాయి.

రెండు తెలుగు రాష్ట్రాల్లో కలిపి..

‘సాహో' మూవీ తొలివారం వసూళ్లు పరిశీలిస్తే.... తెలుగు రాష్ట్రాల్లోని అన్ని ఏరియాల్లో కలిపి రూ. 73.97 కోట్ల షేర్ వసూలు చేసింది. బాహుబలి 2 మూవీ తర్వాత అత్యధిక ఫస్ట్ వీక్ షేర్ సాధించిన సినిమాగా ‘సాహో' రికార్డులకెక్కింది.

ప్రపంచ వ్యాప్తంగా చూస్తే..

విడుదలైన 5 రోజుల్లోనే 350 కోట్ల మార్క్ దాటేసిన సాహో.. ఈ రెండు రోజులు కాస్త నెమ్మదించింది. అయినప్పటికీ డీసెంట్ ఫిగర్ నమోదు చేసింది. మొత్తంగా చూస్తే తొలి వారం రోజుల్లో ప్రపంచ వ్యాప్తంగా సాహో సినిమా 370 కోట్ల రూపాయలు కొల్లగొట్టింది. ఈ మేరకు తాజాగా కొత్త పోస్టర్ విడుదల చేశారు మేకర్స్.

ప్రభాస్ రేంజ్ తెలిసేలా

బాహుబలి సిరీస్ తో వరల్డ్ స్టార్ అయ్యాడు రెబర్ స్టార్ ప్రభాస్. ఈ సినిమాతో వచ్చిన క్రేజ్ సాహోపై అంచనాలు బాగా పెంచేసింది. అయితే ఆశించిన మేర కాకపోయినా ప్రభాస్ రేంజ్ తెలిసేలా దూసుకుపోతోంది సాహో. నెగెటివ్ టాక్ వచ్చినా కూడా ఈ రేంజ్‌లో దూసుకుపోవడం చూసి ఖుషీ అవుతున్నారు ప్రభాస్ ఫాన్స్.

సాహో మూవీ గురించి

తెలుగు సినీ చరిత్రలోనే ప్రతిష్టాత్మకంగా రూపొందిన సినిమాల్లో ‘సాహో' ఒకటి. టాలీవుడ్ స్టార్ హీరో యంగ్ రెబెల్ స్టార్ ప్రభాస్ నటించిన ఈ సినిమాను దాదాపు రూ. 300 కోట్ల బడ్జెట్, హై టెక్నికల్ వ్యాల్యూస్‌తో సుజిత్ తెరకెక్కించాడు. యూవీ క్రియేషన్స్ నిర్మించిన ఈ సినిమాలో ప్రభాస్ సరసన బాలీవుడ్ బ్యూటీ శ్రద్ధా కపూర్ నటించింది. పలు భాషల్లోని భారీ తారాగణం పాలుపంచుకుంది.