Writer Padmabhushan Closing Collections చిన్న సినిమా భారీ విజయం.. ఎన్ని కోట్ల లాభమంటే?

సుహాస్ హీరోగా మదర్ సెంటిమెంట్‌తో

మదర్ సెంటిమెంట్‌తో వచ్చిన రైటర్ పద్మభూషణ్ చిత్రంలో సుహాస్, టీనా శిల్పరాజ్, రోహిణి, ఆశీష్ విద్యార్థి నటించారు. ఈ సినిమాకు షణ్ముఖ ప్రశాంత్ దర్శకత్వం వహించారు. ఈ సినిమాను దాదాపు 3 కోట్ల రూపాయలతో తెరకెక్కించారు. ఈ చిత్రాన్ని గీతా ఆర్ట్స్ డిస్ట్రిబ్యూట్ చేసింది. ఫిబ్రవరి 3వ తేదీన ప్రేక్షకుల ముందుకు వచ్చిన ఈ చిత్రం మౌత్ టాక్‌తో ప్రేక్షకులకు చేరువైంది.

400 స్క్రీన్లలో రిలీజ్

రైటర్ పద్మభూషణ్ సినిమా టీజర్లు, ట్రైలర్లు ఫీల్‌గుడ్ ఫ్యాక్టర్‌ను క్రియేట్ చేయడంతో ఈ సినిమాపై మంచి క్రేజ్ ఏర్పడింది. దాంతో ఈ సినిమాను ప్రపంచవ్యాప్తంగా దాదాపు 400 స్క్రీన్లలో రిలీజ్ చేశారు. మౌత్ టాక్‌తో రెస్పాన్స్ బాగా రావడంతో కొన్ని చోట్ల స్క్రీన్లను పెంచడం జరిగింది.

గత రెండువారాల్లో

రైటర్ పద్మభూషణ్ రిలీజ్‌కు ముందు 27 ప్రీమియర్లు ప్రదర్శించడంతో ఈ సినిమాపై బజ్ క్రియేట్ అయింది. దాంతో తొలి రోజు 1 కోటి రూపాయల వసూళ్లతో బాక్సాఫీస్ జర్నీని మొదలు పెట్టింది. తొలివారాంతానికి 3 కోట్ల మేర కలెక్షన్లు సాధించింది. తొలివారం ముగిసే సమయానికి ఈ చిత్రం తెలుగు రాష్ట్రాల్లో 4.54 కోట్ల కలెక్షన్లను నమోదు చేసింది. ఇక రెండోవారంలో ఈ చిత్రం ముగిసే సమయానికి 7 కోట్ల మేర వసూళ్లను రాబట్టింది.

ప్రపంచవ్యాప్తంగా కలెక్షన్లు

ఇక రైటర్ పద్మభూషణ్ వరల్డ్ వైడ్ కలెక్షన్ల వివరాల్లోకి వెళితే.. ఇండియాలో ఈ చిత్రం 7.9 కోట్ల గ్రాస్, 7.35 కోట్ల షేర్ సాధించింది. ఓవర్సీస్‌లో 3 కోట్ల రూపాయలను రాబట్టింది. దాంతో ఈ సినిమా థియేట్రికల్ రన్‌ క్లోజింగ్ సమయానికి 11 కోట్ల మేర వసూళ్లను సాధించింది. ఇటీవల కాలంలో సూపర్ హిట్‌గా నిలిచిన చిత్రాల్లో ఒకటిగా నిలిచింది.

రైటర్ పద్మభూషణ్ లాభం ఎంతంటే?

రైటర్ పద్మభూషణ్ లాభాల విషయానికి వస్తే.. ఈ సినిమా బడ్జెట్ ప్రమోషన్స్‌తో కలిపి మొత్తం 6 కోట్ల రూపాయలు అయినట్టు సమాచారం. ఈ సినిమా దాదాపు 11 కోట్ల వసూళ్లను రాబట్టింది. నిర్మాతలకు ఈ సినిమా కనీసం 3 కోట్ల మేర లాభాలను పంచినట్టు ట్రేడ్ వర్గాల వెల్లడించాయి. చిన్న చిత్రం ఈ రేంజ్ కలెక్షన్లు రాబటడం ట్రేడ్ వర్గాల్లోను జోష్ పెంచింది.