Article 370 Movie 3 Days Collections: చిన్న మూవీకి భారీ వసూళ్లు.. 3 రోజుల్లోనే అన్ని కోట్లతో ఊచకోత

ఇండియా వ్యాప్తంగా అన్ని భాషల్లోనూ సున్నితమైన లేదా వివాదాస్పద కథాంశాలతో సినిమాలు తెరకెక్కుతోన్నాయి. గతంలో కంటే ఈ మధ్య కాలంలో వీటి సంఖ్య భారీ స్థాయిలో పెరిగిపోయింది. ఫలితంగా అన్ని భాషల్లోనూ ఇదే ట్రెండ్ కనిపిస్తోంది. ఇలా ఇప్పుడు బాలీవుడ్ నుంచి వచ్చిన సినిమానే 'ఆర్టికల్ 370' (Article 370). దేశంలోనే అత్యంత ముఖ్యమైన ఓ ఆర్టికల్ రద్దుకు ముందు జరిగిన మిషన్ ఆధారంగా ఈ సినిమా తెరకెక్కింది. దీనికి మంచి టాక్ రావడంతో వసూళ్లు పోటెత్తుతున్నాయి. మరి 'ఆర్టికల్ 370' మూవీ మూడు రోజుల్లో ఎంత వసూలు చేసిందో మీరే చూసేయండి మరి!

ఆ స్టోరీతో ఆర్టికల్ 370 మూవీ:యామీ గౌతమ్ ప్రధాన పాత్రలో ఆదిత్య సుహాస్ జంభలే తెరకెక్కించిన సినిమానే 'ఆర్టికల్ 370'. జియో స్టూడియోస్, బీబీ6 స్టూడియోస్ బ్యానర్లపై జ్యోతి దేశ్‌పాండే, ఆదిత్య ధర్, లోకేష్ నిర్మించారు. షశ్‌వత్ సచ్‌దేవ్ ఈ మూవీకి మ్యూజిక్ ఇచ్చారు. ఇందులో ప్రియమణి, అరుణ్ గోవలీ, వైభవ్, కిరణ్ కర్మాకర్ తదితరులు కీలక పాత్రలను పోషించారు.

ఆర్టికల్ 370 మూవీ బిజినెస్:సీక్రెట్ మిషన్ ఆధారంగా తెరకెక్కిన 'ఆర్టికల్ 370' మూవీపై ఆరంభం నుంచే భారీ స్థాయిలో హైప్ ఏర్పడింది. దీంతో ఈ మూవీ హక్కులకు ఓ రేంజ్‌లో డిమాండ్ వచ్చింది. ఫలితంగా ఈ మూవీకి దాదాపు రూ. 40 కోట్లు మేర బిజినెస్ జరిగినట్లు తెలిసింది. అందుకు అనుగుణంగానే ఈ సినిమాను దాదాపు 2000లకు పైగా థియేటర్లలో గ్రాండ్‌గా రిలీజ్ చేసుకున్నారు.

3వ రోజు ఎంత వచ్చిందంటే:ఆదిత్య సుహాస్ జంభలే దర్శకత్వంలో రూపొందిన 'ఆర్టికల్ 370' మూవీకి ప్రపంచ వ్యాప్తంగా అన్ని ఏరియాల్లో మంచి టాక్ వచ్చింది. అందుకు తగ్గట్లుగానే ఈ సినిమాకు ఓపెనింగ్స్ డీసెంట్‌గా లభించాయి. అయితే, రెండో రోజు మాత్రం రెస్పాన్స్ పెరిగింది. మూడో రోజు కూడా మరింత స్పందన వచ్చింది. ఫలితంగా ఆదివారం ఈ మూవీకి రూ. 9.60 కోట్లు నెట్‌, రూ. 16 కోట్లు గ్రాస్ వచ్చింది.

మూడు రోజులకూ కలిపి ఇలా:యామీ గౌతమ్ నటించిన 'ఆర్టికల్ 370' మూవీకి మూడు రోజుల్లో భారీ స్పందన వస్తూనే ఉంది. మరీ ముఖ్యంగా ఒక రోజుకు మించి మరో రోజు ఈ సినిమా రెస్పాన్స్‌ను అందుకుంటూ సత్తా చాటింది. ఇలా మూడు రోజుల్లోనే ఈ విభిన్నమైన చిత్రం రూ. 22.90 కోట్లు నెట్‌ను వసూలు చేసింది. అలాగే, రూ. 33.80 కోట్లు గ్రాస్‌ కలెక్షన్లను సైతం రాబట్టి సంచలనం సృష్టించింది.

వరల్డ్ వైడ్‌గా ఎంత వచ్చింది:క్రేజీ కాన్సెప్టుతో రూపొందిన 'ఆర్టికల్ 370' మూవీకి ఇండియా మొత్తంలో మూడు రోజుల్లో రూ. 26.80 కోట్లు గ్రాస్ వసూలు అయింది. అయితే వరల్డ్ వైడ్‌గా ఇది తక్కువ థియేటర్లలోనే రావడంతో ఓవర్సీస్‌లో కేవలం రూ. 7 కోట్లు మాత్రమే వసూలు చేసింది. ఇలా మూడు రోజుల్లో 'ఆర్టికల్ 370' సినిమా 33.80 కోట్లు గ్రాస్‌ను వరల్డ్ వైడ్‌గా రాబట్టింది.

టార్గెట్ ఇలా.. ఎంత రావాలి?:విభిన్నమైన సబ్జెక్టుతో రూపొందిన 'ఆర్టికల్ 370' మూవీకి రూ. 40 కోట్లు వరకూ బడ్జెట్ అయింది. అంతకంటే ఎక్కువగానే ఈ సినిమా ఓవరాల్ బిజినెస్ జరిగింది. ఇక, రూ. 60 కోట్లు గ్రాస్ టార్గెట్‌తో ఈ సినిమా ప్రేక్షకుల ముందుకు వచ్చింది. 3 రోజుల్లో ఈ సినిమా రూ. 33.80 కోట్లు రాబట్టింది. అంటే ఇంకా రూ. 26.20 కోట్లు నెట్‌ను ఇది వసూలు చేస్తే హిట్ అవుతుంది.