Youth Movie Box Office: బ్లాక్‌బస్టర్ కలెక్షన్లతో యూత్.. 130 శాతం రికవరీ.. ఎన్ని కోట్ల లాభమంటే?

తమిళంలో బలమైన కంటెంట్‌తో ప్రేక్షకుల ముందుకు వచ్చిన యూత్‌ఫుల్, ఫ్యామిలీ ఎంటర్‌టైనర్ మూవీ యూత్. ఈ చిత్రంలో కెన్ కరుణాస్, అనిష్మా అనిల్ కుమార్, దేవదర్శని, సూరజ్ వెంజరామూడు, ప్రియాంషీ యాదవ్, మీనాక్షి దినేష్, అభిసాన్ దేవరస తదితరులు నటించారు. ఈ చిత్రానికి కథ, మాటలు, దర్శకత్వం బాధ్యతలను కెన్ అండ్ గ్యాంగ్ అందించడమే కాకుండా నటించారు. ఈ సినిమాను కరుప్పయ్య సీ రామ్, సులోచన కుమార్ నిర్మించారు.

ఈ సినిమా సాంకేతిక విభాగాల విషయానికి వస్తే.. ఈ సినిమాకు ప్రముఖ మ్యూజిక్ డైరెక్టర్ జీవీ ప్రకాశ్ కుమార్ సంగీతం అందించారు. నాష్ ఎడిటర్‌గా, రాము థంగరాజ్ ఆర్ట్ డైరెక్టర్‌గా, వికీ సినిమాటోగ్రాఫర్‌గా, కావ్య శ్రీరామ్ క్యాస్టూమ్ డిజైనర్‌గా, రామ్ థంగరాజ్ ఆర్ట్ డైరెక్టర్‌గా బాధ్యతలను నిర్వర్తించారు. ఈ సినిమా మార్చి 20వ తేదీన గ్రాండ్‌గా రిలీజైంది ఈ సినిమా బడ్జెట్ ఎంత? ఈ సినిమా బ్రేక్ ఈవెన్ టార్గెట్ ఎంత? రిలీజ్ తర్వాత వసూలు చేస్తున్న కలెక్షన్ల వివరాల్లోకి వెళితే..

యూత్ సినిమా కథ విషయానికి వస్తే.. 15 ఏళ్ల యువకుడు ప్రవీణ్ (కెన్ కరుణాస్) తన స్కూల్ లైఫ్ ముగిసే సమయానికి నిజాయితీతో కూడిన ప్రేమను పొందాలని కలలు కంటాడు. అయితే ఆ ప్రేమను పొందే క్రమంలో కొన్ని రిలేషన్‌షిప్స్ బ్రేకప్స్‌కు దారి తీస్తాయి. తన జీవితంలో ఎదురైన సంఘటనలు ఏమిటి? ఇంతకు ట్రూ లవ్‌ను పొందడంలో ప్రవీణ్ సక్సెస్ అయ్యాడా? అనేది ఈ సినిమా కథ.

కంటెంట్, కథ, కథనాలకు అత్యంత ప్రాధాన్యం ఇస్తూ కొత్త వారితో ఈ సినిమాను వినోదాత్మక చిత్రంగా నిర్మించారు. ఈ చిత్రానికి పనిచేసిన వారి రెమ్యునరేషన్లు, ప్రమోషనల్ ఖర్చులన్నీ కలిపి ఈ సినిమా బడ్జెట్ సుమారుగా 7 కోట్ల రూపాయల మేర అయిందని ట్రేడ్ వర్గాలు వెల్లడించాయి. ఈ సినిమా సుమారుగా 7 కోట్ల రూపాయల బ్రేక్ ఈవెన్ టార్గెట్‌తో బాక్సాఫీస్ జర్నీని మొదలుపెట్టింది.

యూత్ సినిమా కలెక్షన్ల వివరాల్లోకి వెళితే. తమిళనాడు వెర్షన్ 13 కోట్లకుపైగా వసూళ్లను రాబట్టింది. తమిళనాడులో తొలి రోజు 4 కోట్లు, రెండో రోజు 3.5 కోట్లు, మూడో రోజు 5 కోట్ల రూపాయలు వసూలు చేసింది. కర్ణాటకలో 1.25 కోట్ల రూపాయలు, కేరళలో 25 లక్షలు, తెలుగు రాష్ట్రాల్లో 5 లక్షల రూపాయలు, మిగితా ప్రాంతాల్లో 10 లక్షల రూపాయలు వసూలు చేసింది. దాంతో ఈ సినిమా సుమారుగా 15 కో ట్ల రూపాయలు ఇండియాలో రాబట్టింది. ఇక ఓవర్సీస్‌లో గత మూడు రోజుల్లో ఈ సినిమా 4 కోట్ల మేర వసూళ్లను సాధించింది. దాంతో ఈ చిత్రం 19 కోట్ల రూపాయలను ప్రపంచవ్యాప్తంగా వసూలు చేసింది.

యూత్ సినిమా విషయానికి వస్తే.. ఇప్పటికే తమిళంలో భారీ లాభాలను సాధించింది. ప్రపంచవ్యాప్తంగా 10 కోట్ల మేర షేర్ వసూలు చేసింది. ఈ సినిమా నాలుగో రోజు కూడా 4 కోట్లకుపైగా వసూళ్లను రాబడుతుందని అంచనా వేస్తున్నారు. డ్ వర్గాల సమాచారం ప్రకారం.. ఈ చిత్రం 130 శాతం రికవరీని సాధించింది అని వెల్లడించారు. ఈ సినిమా థియేట్రికల్ రన్‌లో సుమారుగా 50 కోట్ల రూపాయలు వసూలు చేస్తుంది అని ట్రేడ్ వర్గాలు పేర్కొంటున్నాయి. చిన్న బడ్జెట్ చిత్రాల్లో భారీ బ్లాక్ బస్టర్ విజయాన్ని నమోదు చేసుకొనేందుకు రెడీ అవుతున్నది. ఈ సినిమా మార్చి 26వ తేదీన తెలుగులో రిలీజ్ కాబోతున్నది.