Yuva Movie Collections పునీత్ రాజ్‌కుమార్ ఫ్యామిలీ నుంచి మరో హీరో.. యువ మూవీకి రికార్డు కలెక్షన్లు

కన్నడ సినీ పరిశ్రమలో లెజెండరీ ఫ్యామిలీ రాజ్‌కుమార్ కుటుంబం నుంచి మరో వారసుడు వచ్చేశాడు. ఇప్పటికే శివరాజ్‌కుమార్, పునీత్ రాజ్‌కుమార్ సూపర్ స్టార్స్‌గా ఆ కుటుంబం నుంచి ఎదిగిన సంగతి తెలిసిందే. స్వర్గీయ రాజ్‌కుమార్ కొడుకు నటుడు రాఘవేంద్ర రాజ్‌కుమార్ వారసుడిగా యువ రాజ్‌కుమార్ కన్నడ పరిశ్రమలోకి యువ అనే చిత్రం ద్వారా అడుగుపెట్టారు. ఈ సినిమా రిలీజ్‌కు ముందే భారీ బజ్ క్రియేట్ చేసింది. అయితే ఈ సినిమా బడ్జెట్ ఎంత? ఈ సినిమా రిలీజ్ తర్వాత వసూలు చేస్తున్న కలెక్షన్లు ఎంత అనే వివరాల్లోకి వెళితే..

కన్నడలో విడుదలకు ముందే సంచలన రేపిన యువ చిత్రం ట్రైలర్ సినిమాపై ఊహించని క్రేజ్ పెంచింది. స్టూడెంట్ పాలిటిక్స్, గ్రూప్ వార్, ఫాదర్ సెంటిమెంట్, యూత్‌ఫుల్ ఎంటర్‌టైనర్‌గా ఈ సినిమా రూపొందింది. ఈ చిత్రంలో కాంతార ఫేమ్ సప్తమీ గౌడ హీరోయిన్‌గా నటించింది. ఇక ప్రమోషన్సల్ కార్యక్రమాలు ఊపందుకోవడంతో భారీగా అడ్వాన్స్ బుకింగ్ నమోదైంది.

యువ చిత్రం రిలీజ్ తర్వాత విమర్శకుల ప్రశంసలు అందుకొంటున్నది. యువ రాజ్‌కుమార్ యాక్టింగ్, యాక్షన్, ఫెర్పారెన్స్‌కు అన్ని వర్గాల ప్రేక్షకులు నీరాజనం పడుతున్నారు. ఈ సినిమా భారీ విజయం వైపు దూసుకెళ్లే సూచనలు కనిపిస్తున్నాయి. పాజిటివ్ టాక్‌తో ఈ చిత్రం మంచి ఆక్యుపెన్సీనిని నమోదు చేసింది.

కాలేజ్, యూత్ పాలిటిక్స్ బ్యాక్ డ్రాప్‌గా రూపొందిన యువ చిత్రాన్ని రిచ్‌గా తెరకెక్కించారు. ఖర్చు కోసం రాజీ పడకుండా సినిమాను భారీగా నిర్మించారు. ఆర్టిస్టుల రెమ్యునరేషన్లు, సాంకేతిక నిపుణుల పారితోషికం, ప్రమోషనల్ ఖర్చులతో కలిపి ఈ సినిమాను సుమారుగా 40 కోట్ల రూపాయలతో నిర్మించారు.

యువ సినిమా టీజర్ రిలీజ్ నుంచి విడుదల వరకు వచ్చిన ప్రమోషనల్ కంటెంట్ సౌత్ ఇండస్ట్రీలో పాజిటివ్ టాక్ పెంచింది. దాంతో ఈ సినిమాను దక్షిణాదిలోని అన్ని రాష్ట్రాల్లోను, అలాగే ఇండియాలోని ప్రధాన నగరాల్లో, ఓవర్సీస్‌లో భారీగా రిలీజ్ చేశారు. ఈ సినిమాను ప్రపంచవ్యాప్తంగా 2000 స్క్రీన్లలో రిలీజ్ చేశారు. బెంగళూరు, బెల్గామ్, మైసూర్, శివమొగ, తూమ్కూర్, రాయ్‌,చూర్ తదితర ప్రాంతాల్లో 70 శాతానికి పైగా ఆక్యుపెన్సీ నమోదైంది.

ఇక యువ రాజ్‌కుమార్ సినిమా తొలి రోజు కలెక్షన్ల వివరాల్లోకి వెళితే.. కర్ణాటకలో ఈ చిత్రం భారీ ఓపెన్సింగ్‌తో బాక్సాఫీస్ జర్నీని మొదలుపెట్టింది. ఈ చిత్రం ఫస్ట్ డే 4 కోట్ల గ్రాస్ కలెక్షన్లను రాబట్టే అవకాశం ఉంది. ఇక ఈ చిత్రం ప్రపంచవ్యాప్తంగా 6 కోట్ల రూపాయల వసూళ్లను నమోదు చేసే అవకాశం ఉంది అని ట్రేడ్ వర్గాలు వెల్లడిస్తున్నాయి.