»   » నాగచైతన్య చిత్రం '100% లవ్‌' రిలీజ్ ఎప్పుడంటే..

నాగచైతన్య చిత్రం '100% లవ్‌' రిలీజ్ ఎప్పుడంటే..

Posted By:
Subscribe to Filmibeat Telugu

నాగచైతన్య హీరోగా గీతా ఆర్ట్స్‌ సంస్థ నిర్మిస్తోన్న '100% లవ్‌' చిత్రం ఏప్రియల్ 29 న విడుదల కానుందని విశ్వసనీయ సమచారం. అదే రోజున రానా హీరోగా చేసిన నేనూ..నా రాక్షసి చిత్రం కూడా విడుదల కానుంది. ఇక '100% లవ్‌' గురించి సమర్పకులు అల్లు అరవింద్‌ మాట్లాడుతూ ....జల్సా, గజిని, మగధీర లాంటి సంచలన విజయాల తర్వాత గీతా ఆర్ట్స్ నుంచి వస్తున్న చిత్రమిది. దర్శకుడు చెప్పిన కథ విని గంటలోనే ఈ సినిమా నిర్మాణానికి గ్రీన్ సిగ్నల్ ఇచ్చాను. స్క్రిప్ట్‌పై వంద శాతం పట్టు వున్న దర్శకుడు సుకుమార్. తన గత చిత్రాల తరహాలోనే ఈ చిత్రాన్ని కూడా వైవిధ్యంగా తెరకెక్కిస్తున్నాడు. దేవిశ్రీప్రసాద్, సుకుమార్ కలయికలో వచ్చిన గత చిత్రాల ఆడియోలు ఎలాంటి మ్యూజికల్ హిట్స్‌గా నిలిచాయో ప్రత్యేకంగా చెప్పనక్కర్లేదు. ఈ ఆడియో కూడా వాటిని మించే విధంగా వుంటుంది. ఈ నెల మూడోవారంలో పాటలను విడుదల చేయడానికి సన్నాహాలు చేస్తున్నాం. ఈ సమ్మర్‌లో ప్రతి ఒక్కరిని కూల్ చేసే లవ్ ఎంటర్‌టైనర్ '100% లవ్‌' అని నిస్సందేహంగా చెప్పవచ్చు అన్నారు. తమన్నా హీరోయిన్ గా చేస్తున్న ఈ చిత్రానికి దర్సకుడు సుకుమార్. సమర్పణ: అల్లు అరవింద్, దర్శకత్వం: సుకుమార్, నిర్మాత: బన్నీ వాసు, సంగీతం: దేవిశ్రీ ప్రసాద్.ఎగ్జిక్యూటివ్‌ నిర్మాత: ఏడిద రాజా.

English summary
Naga Chaitanya’s upcoming movie ‘100% Love’ is getting ready to hit the theatres on April 29th. It is being directed by Sukumar and produced by Bunny Vasu under ‘Geetha Arts’ banner. The movie is being presented by Allu Arvind.
Please Wait while comments are loading...