రామ్ గోపాల్ వర్మ 'నా ఇష్టం' పుస్తకానికి సీక్వెల్ టైటిల్

ప్రముఖ దర్శకుడు రామ్ గోపాల్ వర్మ క్రిందటవారం "నా ఇష్టం" అనే పుస్తకం విడుదల చేసిన సంగతి తెలిసిందే. ఈ పుస్కకానికి ఆయన సీక్వెల్ ప్లాన్ చేసినట్లు తెలుస్తోంది. ఆ సీక్వెల్ పేరు "నేనంటే నా కిష్టం" అని చెప్తున్నారు. మరో ప్రక్క ఈ పుస్తకం ఇంగ్లీష్ వెర్షన్ ని కూడా త్వరలోనే విడుదల చేయనున్నారు. ఇక నా ఇష్టం పుస్తకం మార్కెట్లోకి వచ్చిన రెండు రోజులకే కాపీలన్నీ అయిపోవటంతో మంచి డిమాండు ఉన్నదని అర్దం చేసుకున్న ఎమెస్కో వారు, వర్మ కలిసి ఈ సీక్వెల్ నిర్ణయానికి వచ్చినట్లు చెప్తున్నారు. ప్రస్తుతం వర్మ..సునీల్ హీరోగా కథ, స్క్రీన్ ప్లే, దర్శకత్వం అప్పలరాజు అనే చిత్రం డైరక్ట్ చేస్తున్నారు. అలాగే ప్రకాష్ రాజ్ ప్రధానపాత్రలో రాజకీయ కథాంశంతో కుర్చీ అనే చిత్రం ప్లాన్ చేస్తున్నారు.