విజయ్ భాస్కర్ లేటెస్ట్ చిత్రం హీరో ఆ కుర్రాడా

విజయ్ భాస్కర్ దాదాపు రెండేళ్ళ విరామం తర్వాత రూపొందిస్తున్న కొత్త చిత్రానికి హీరోగా ఆది పరిచయమవుతున్నారంటూ అని వార్తలు వచ్చాయి. ఆది మరెవరో కాదు డైలాగ్ కింగ్ సాయికుమార్ కుమారుడు. అప్పట్లో ఆర్.ఆర్.మూవీ మేకర్స్ పతాకంపై సురేంద్రరెడ్డి దర్శకత్వంలో ఓ చిత్రం ప్లాన్ చేసారు. కానీ అతను కిక్ చిత్రం చేయటంతో ఈ ప్రాజెక్టు వెనక్కి వెళ్ళింది. దాంతో ఇప్పుడు కె.అచ్చిరెడ్డి ఇప్పుడు మ్యాక్స్‌ ఇండియా ప్రొడక్షన్స్‌ అనే నూతన నిర్మాణ సంస్థను స్థాపించి ఈ చిత్రాన్ని నిర్మిస్తున్నారు. జూలైలో ఈ భారీ చిత్రాన్ని ప్రారంభంకానుంది. ఈ సినిమా గురించి కె.అచ్చిరెడ్డి చెబుతూ 'విజయభాస్కర్‌ దర్శకత్వంలో అన్ని వర్గాల ప్రేక్షకులకు నచ్చే ఓ మంచి చిత్రాన్ని నిర్మించడానికి సన్నాహాలు చేస్తున్నాం. కథ సిధ్దమైంది. ఈ చిత్రం ద్వారా ఆది అనే కొత్త హీరోని పరిచయం చేస్తున్నాం' అని తెలిపారు.