టెన్షన్!.. 'కేవియెట్' తెచ్చుకున్న అజ్ఞాతవాసి టీమ్..,లాస్ట్ మినిట్‌లో ఏం జరుగుతుందో?

ఎందుకైనా మంచిదని..:

అసలే కాపీ వివాదాలు ముసురుకోవడం.. 'లార్గో వించ్' దర్శకుడు జెరోం సల్లే కూడా సినిమా చూస్తానంటూ ట్వీట్ చేయడంతో.. ఎందుకైనా మంచిదని అజ్ఞాతవాసి నిర్మాతలు 'కేవియట్' తెచ్చుకున్నట్లు ప్రచారం జరుగుతోంది.

ఏంటీ కేవియెట్?:

లాస్ట్ మినిట్‌లో సినిమాపై టీ-సిరీస్ ఎక్కడ కోర్టు మెట్లు ఎక్కుతుందోనన్న భయంతో.. ముందస్తుగా 'కేవియట్' తెచ్చుకున్నట్లు చెబుతున్నారు. కేవియట్ ద్వారా సినిమా ప్రదర్శనకు ఆటంకం ఏర్పడకుండా ఉంటుందని ఈ పని చేసినట్లు తెలుస్తోంది.

ఏ కోర్టులో?:

హారిక హాసిని యూనిట్ కేవియెట్ తెచ్చుకున్నారని ప్రచారం జరుగుతున్నప్పటికీ.. ఇందుకోసం ఏ కోర్టులో దరఖాస్తు చేసుకున్నారన్న దానిపై మాత్రం క్లారిటీ రాలేదు. అయితే దాదాపు 14కోర్టుల్లో కేవియట్ కోసం దరఖాస్తు చేసుకున్నట్లు ఊహాగానాలు వినిపిస్తున్నాయి.

అభిమానుల్లో టెన్షన్..:

కొత్తగా పుట్టుకొస్తున్న ఊహాగానాలు అటు అభిమానుల్లోనూ ఆందోళన పెంచుతున్నాయి. ఎక్కడ జనవరి 10న సినిమా విడుదల కాకుండా ఆటంకాలు ఏర్పడుతాయేమోనని వారు ఆందోళనకు గురవుతున్నారు. ట్రైలర్ విడుదల జాప్యం కూడా వారిని ఒకింత అసంతృప్తికి గురిచేస్తోంది.

'నో వర్రీస్'..:

ఎన్ని వివాదాలు చుట్టు ముట్టినా.. ఒకసారి సినిమా విడుదలై మంచి టాక్ తెచ్చుకుందంటే.. ఆ వివాదాలన్ని గాలి కొట్టుకుపోవడం ఖాయమనేవారూ లేకపోలేదు. కాబట్టి 'కాపీ' వివాదంపై 'నో వర్రీస్' అని కొంతమంది అభిమానులు అభిప్రాయపడుతున్నారు. చూడాలి మరి విడుదలవేళ 'అజ్ఞాతవాసి'కి ఎలాంటి పరిస్థితులు ఎదురవుతాయో!