Don't Miss!
- News పురందేశ్వరికి చెక్ పెడుతోందెవరు - చంద్రబాబు ఎటువైపు..!?
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Automobiles టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ఐశ్వరరాయ్ మెగాస్టార్ కోసమా.. చరణ్ కోసమా? ఉయ్యాలవాడలో మరో సెన్సేషనల్ న్యూస్!
బాలీవుడ్ దర్శకుడు కరణ్ జోహర్ రూపొందించిన యే దిల్ హై ముష్కిల్ చిత్రంలో ఐశ్వర్య అందాల ఆరబోత, గ్లామర్ యువతను పిచ్చెక్కించింది.
సాధారణంగా పెళ్లయిన హీరోయిన్లకు వెండితెర మీద నూకలు చెల్లినట్టే. ఇక ఆ హీరోయిన్కు పిల్లలు పుడితే ఇంకా చెప్పనక్కర్లేదు. అయితే ఈ రెండు విషయాలను అధిగమించిన తారల్లో మాజీ ప్రపంచసుందరి ఐశ్వర్యరాయ్ ముందు ఉంటుందనడంలో ఎలాంటి అతిశయోక్తి లేదు. ఇటీవల బాలీవుడ్ దర్శకుడు కరణ్ జోహర్ రూపొందించిన యే దిల్ హై ముష్కిల్ చిత్రంలో ఐశ్వర్య అందాల ఆరబోత, గ్లామర్ యువతను పిచ్చెక్కించింది. అయితే తాజాగా ఐశ్వర్య పేరు టాలీవుడ్లో ప్రముఖంగా వినిపిస్తున్నది. అదేమిటంటే.. ఉయ్యాలవాడలో ఆమె పేరు ఖారారైనట్టు వార్తలు వెలువడుతున్నాయి.
విద్యాబాలన్ కాదు.. ఐశ్వర్య పేరు ఖారారు...
ఖైదీ నంబర్ 150తో మెగాస్టార్ రీ ఎంట్రీ అదిరింది. ఆ చిత్రం తర్వాత తన 151వ చిత్రంగా ఉయ్యాలవాడ నరసింహరెడ్డి అనే సినిమాపై ప్రస్తుతం మెగాస్టార్ దృష్టిపెట్టారు. ఈ చారిత్రాత్మక చిత్రంలో హీరోయిన్గా నటింపజేసేందుకు పలువురు పేర్లను పరిశీలిస్తున్నారు. అందులో ఐశ్వర్యరాయ్ పేరు ప్రముఖంగా వినిపిస్తున్నది. తొలుత విద్యాబాలన్ పేరును అనుకొన్నా.. చివరికి ఐష్ పేరునే ఖారారు చేసినట్టు వార్తలు వెలువడుతున్నాయి. త్వరలోనే అధికారికంగా ప్రకటన కూడా వెలువడే అవకాశం ఉందనే వార్త ఫిలింనగర్లో ప్రచారం జరుగుతున్నది.
యోధుడి సరసన
మరోవైపు మెగా పవర్ స్టార్ రామ్ చరణ్ చిత్రంలోనూ ఐశ్వర్యారాయ్ నటించే అవకాశాలున్నాయనే మరో వార్త మీడియాలో విస్తృతంగా ప్రచారం జరుగుతున్నది. ఓ పక్క సుకుమార్ దర్శకత్వంలో నటిస్తూనే రాంచరణ్ మణిరత్నం చిత్రానికి గ్రీన్ సిగ్నల్ ఇచ్చాడు. ఈ సినిమా పేరును ‘యోధ'గా ఖరారు చేశారనే వార్త కూడా వైరల్ అవుతున్నది. ఈ చిత్రంలో ఓ కీలకమైన పాత్ర కోసం ఐశ్వర్యారాయ్ని ఎంచుకొన్నట్టు తెలుస్తున్నది.
అరుదైన ఘనత సాధించనున్న..
ఈ వార్తలు నిజమైతే ఒకేసారి తండ్రి చిరంజీవి, కుమారుడు చరణ్ సినిమాల్లో నటించిన అందాలతార ఐష్ ఓ రికార్డును తన ఖాతాలో వేసుకొనే అవకాశం ఉంది. ఒకవేళ అదే నిజమైతే మెగా అభిమానులకు పండుగంటే పండుగే. ఈ వార్తలో ఎంత నిజముందో లేదో తెలియదు గానీ.. సోషల్ మీడియాలో మెగా అభిమానులు విశేషంగా స్పందిస్తున్నారు.
ఉయ్యాలవాడలో అమితాబ్..
ఇదిలా ఉండగా, ఉయ్యాలవాడకు సంబంధించి మరో సెన్సేషనల్ వార్త ప్రచారంలో ఉన్నది. బిగ్ బీ అమితాబ్ బచ్చన్ కూడా చిరు 151వ చిత్రంలో నటించనున్నట్టు తెలుస్తున్నది. ఉయ్యాలవాడ నరసింహారెడ్డికి గురువుగా బిగ్ బీ నటించనున్నారనేది వార్త సారాంశం. చిత్ర కథలో భాగంగా సెకండాఫ్లో వచ్చే బిగ్ బీ పాత్ర చాలా కీలకమని, అందుకే అమితాబ్ని ఎంచుకొన్నారని ప్రచారం సాగుతున్నది.
నేషనల్ మార్కెట్పైన మెగాస్టార్ దృష్టి
ఉయ్యాల వాడ.'ని తెలుగు, తమిళం, హిందీ భాషల్లో విడుదల చేయాలన్నది కొణిదెల ప్రొడక్షన్ తాజా వ్యూహాం. బాలీవుడ్ మార్కెట్ని ఆకర్షించాలంటే అక్కడి స్టార్లు ఈ సినిమాలో మెరవాల్సిందే. అందుకే ఐశ్వర్యారాయ్, అమితాబ్ లాంటి పేర్లను ఈ సినిమాకు జోడిస్తే దేశవ్యాప్తంగా కలెక్షన్లను కొల్లగొట్టవచ్చనేది నిర్మాత చరణ్ ఉద్దేశమని తెలుస్తున్నది. ఒకవేళ బిగ్ బీ, ఐష్ నటిస్తే ‘ఉయ్యాలవాడ..' మార్కెట్కు బాలీవుడ్లో డోర్లు ఓపెన్ అయినట్టే అనే అభిప్రాయం సినీ వర్గాల్లో వ్యక్తమవుతున్నది.