‘ఆర్ఆర్ఆర్’ విషయంలో రాజమౌళి ప్రయత్నాలు ఫలించడం లేదా?

అక్షయ్ కుమార్ పేరు కూడా...

అజయ్ దేవగన్‌ నో చెప్పడంతో వెంటనే ‘ఆర్ఆర్ఆర్' మేకర్స్ మరో స్టార్ అక్షయ్ కుమార్‌ను సంప్రదించినట్లు తాజాగా మరో ప్రచారం తెరపైకి వచ్చింది. ఇంతకు ముందు అజయ్ దేవగన్ మీద... కమల్ హాసన్ ‘ఇండియన్ 2'లో అతడిని విలన్ పాత్ర కోసం సంప్రదించారని, అందుకు అతడు ఒప్పుకోలేదనే వార్తలు వినిపించాయి.

బాలీవుడ్ మార్కెట్ ఒడిసిపట్టేందుకు

బాలీవుడ్ మార్కెట్ గ్రాబ్ చేయాలంటే హిందీ సినీ పరిశ్రమ నుంచి ఎవరైనా ఒక స్టార్ ‘ఆర్ఆర్ఆర్' ప్రాజెక్టులో భాగం అయితే బావుంటుందని రాజమౌళి ప్లాన్ చేస్తున్నారట. అయితే చివరకు ఎవరు ఒప్పుకుంటారో? ఫైనల్ అయ్యేది ఎవరో వేచిచూడాల్సిందే.

రూ. 300 కోట్ల బడ్జెట్

‘ఆర్ఆర్ఆర్' ప్రాజెక్ట్ స్థాయి బాహుబలి రేంజికి ఏ మాత్రం తగ్గకుండా ఉండేలా ప్లాన్ చేస్తున్నారు. ఇందుకోసం రూ. 300 కోట్ల బడ్జెట్ ఖర్చు చేస్తున్నారు. అయితే సినిమాకు సంబంధించి ఎలాంటి క్లూ బయటకు రాకుండా జాగ్రత్తలు తీసుకుంటున్నారు.

రకరకాల రూమర్స్

‘ఆర్ఆర్ఆర్' అంటే... ‘రామ రావణ రాజ్యం' అనే ప్రచారం కూడా ఉంది. ఇది స్వాతంత్ర్య రాక ముందు జరిగిన కథతో సాగుతుందనే రూమర్స్ సైతం తెరపైకి వచ్చాయి. ఎన్టీఆర్ దొంగ పాత్ర చేస్తున్నాడనే వార్తలూ వినపించాయి. అయితే రాజమౌళి అండ్ టీమ్ నుంచి ఇప్పటి వరకు ఈ రూమర్లపై ఎలాంటి క్లారిటీ రాలేదు.