twitter
    For Quick Alerts
    ALLOW NOTIFICATIONS  
    For Daily Alerts

    అఖిల్‌కు జోడీ కుదిరింది.. ఊపిరి పీల్చుకుంటున్న ఫ్యాన్స్

    |

    ఒకవైపు హీరోలందరూ వరుస సినిమాలతో దూసుకుపోతుంటే అక్కినేని వారి వారసుడు అఖిల్ మాత్రం నెమ్మదిగా వెళ్తున్నాడు. దీనికి కారణం ఆయన నటించిన మూడు సినిమాలూ హిట్ కాకపోవడమే. 'అఖిల్', 'హలో', 'మిస్టర్ మజ్నూ' అనే సినిమాలతో వచ్చిన ఈ యంగ్ హీరోకి ఒక్కటంటే ఒక్క హిట్ కూడా దక్కలేదు. ఆకట్టుకునే అందం.. ఫిజిక్.. నటన ఉన్నా.. కథల ఎంపిక విషయంలో జాగ్రత్తలు తీసుకోకపోవడంతో అతడు చేసిన మూడు ప్రయత్నాలూ విఫలం అయ్యాయి. దీంతో ఈ సారి చాలా జాగ్రత్తలు తీసుకుంటున్నాడు.

    ప్రస్తుతం అఖిల్.. గీతా ఆర్ట్స్ 2 బ్యాన‌ర్‌పై బొమ్మ‌రిల్లు భాస్క‌ర్ ద‌ర్శ‌క‌త్వంలో ఓ సినిమా చేస్తున్న విషయం తెలిసిందే. ఈ సినిమా షూటింగ్ ఎప్పుడో ప్రారంభం కావాల్సి ఉన్నా అనివార్య కారణాల వల్ల వాయిదా పడుతూ వచ్చింది. కానీ, ఇటీవల ఈ సినిమా షూటింగ్ అధికారికంగా ప్రారంభమైంది. అంతేకాదు, సెట్స్‌లో అఖిల్ ఫొటోలు కూడా లీక్ అయ్యాయి. దీంతో సినిమా పట్టాలెక్కేసిందని క్లారిటీ వచ్చేసింది. ఇక పోతే ఈ సినిమాలో నటించే హీరోయిన్ విషయం మాత్రం తేలలేదు.

    Akhil Akkineni Heroine fix

    వాస్తవానికి ఈ సినిమా షూటింగ్ ప్రారంభం కాకపోవడానికి హీరోయిన్ ఎంపిక జరగకపోవడమే కారణం అని గతంలో వార్తలు వచ్చాయి. ఆ తర్వాత ఈ సినిమాలో అఖిల్ సరసన కియారా అద్వానీని తీసుకుంటున్నారని, కాదు కాదు.. రష్మిక మందన్నాను ఓకే చేశారని ప్రచారం జరిగింది. కానీ, వీళ్లెవరినీ ప్రకటించకుండానే చిత్ర షూటింగ్ ప్రారంభించేశారు. ముందు అఖిల్‌కు సంబంధించిన సన్నివేశాలను తీసి, హీరోయిన్ ఫైలన్ అయిన తర్వాత కాంబినేషన్ సీన్స్ తెరకెక్కించాలన్న ఉద్దేశ్యంతోనే ఇలా చేశారని టాక్ వినిపించింది.

    తాజాగా ఈ సినిమాలో నటించబోయే హీరోయిన్ విషయంలో క్లారిటీ వచ్చేసింది. ఆమె మరెవరో కాదు.. నేచురల్ స్టార్ నాని 'గ్యాంగ్ లీడర్'లో నటిస్తోన్న ప్రియాంక అరుల్ మోహన్. అవును.. అఖిల్‌తో నటించడానికి ఆమె గ్రీన్ సిగ్నల్ ఇచ్చేసిందని ఓ వార్త ఫిలింనగర్ వర్గాల్లో ఓ వార్త హల్‌చల్ చేస్తోంది. కోలీవుడ్‌కు చెందిన ఈ హీరోయిన్ శర్వానంద్ కొత్త సినిమాలోనూ అవకాశం దక్కించుకుందని ఆ మధ్య వార్తలు బయటకు వచ్చాయి.

    English summary
    Akhil Akkineni and Priyanka Arul Mohan will reportedly join hands for Bhaskar directorial film, which will be bankrolled by Geetha Arts banner. Her upcoming movie Gang leader release soon.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X