అఖిల్‌కు హీరోయిన్ దొరికినట్లుందే!

| Published: Thursday, March 29, 2018, 20:37 [IST]

అక్కినేని వారసుడు అఖిల్ మూడవ చిత్రాన్ని సిద్ధం చేసే పనిలో బిజీగా ఉన్నాడు. తొలిప్రేమ వంటి సూపర్ హిట్ చిత్రాన్ని అందించిన వెంకీ అట్లూరి దర్శత్వంలో అఖిల్ నటించబోతున్నాడు. అక్కినేని వారసుడిగా అఖిల్ 'అఖిల్' చిత్రంతో సినిమాల్లోకి ఎంట్రీ ఇచ్చాడు. ఆ తరువాత హలొ చిత్రంతో మెప్పించాడు. కానీ ఈ రెండు చిత్రాలు కమెర్షియల్ గా నిరాశ పరిచాయి. మూడవ చిత్రంతో ఎలాగైనా కమర్షియల్ హిట్ కొట్టాలని అఖిల్ పట్టుదలగా ఉన్నాడు.

అఖిల్ తన తొలి రెండు చిత్రాలలో కొత్త హీరోయిన్లతో రొమాన్స్ పండించాడు. ఈ చిత్రంలో మాత్రం పాపులర్ హీరోయిన్ ని తీసుకోవాలని భావిస్తున్నాడట. లై, చల్ మోహన్ రంగ వంటి చిత్రాలతో యువతని ఆకర్షించిన మేఘా ఆకాష్ ని హీరోయిన్ గా ఎంపిక చేయబోతున్నట్లు తెలుస్తోంది. తమన్ ఈ చిత్రానికి సంగీతం అందించనున్నాడు. బివిఎస్ ఎన్ ప్రసాద్ ఈ చిత్రానికి నిర్మాత.