మహేష్ సరసన బెంగుళూరు బ్యూటీ

సుకుమార్,మహేష్ బాబు కాంబినేషన్ ఓ చిత్రం ఆ మధ్యన ప్రారంభమైన సంగతి తెలిసిందే. అయితే ఆ చిత్రంలో హీరోయిన్ ఎంపిక మాత్రం జరగలేదు. ప్రస్తుతం బెంగుళూరుకి చెందిన అక్షర గౌడ అనే మోడల్ ని ఆ పాత్రకు ఎంపిక చేసినట్లు సమాచారం. గతంలో క్రికెటర్ యువరాజ్ తో లింక్ లు ఉన్నాయంటూ ప్రచారమైన ఈ ముద్దుగుమ్మపై రీసెంట్ గా ఫోటో షూట్ ని సుకుమార్ ఆఫీసులో జరిపినట్లు తెలుస్తోంది. ఆమె ఈ ఆఫర్ పై చాలా ఆనందంగా ఉన్నట్లు తెలుస్తోంది.

ఇక ఇదే తనకు టాలీవుడ్ లో రైట్ ఆపర్చునిటి అని భావిస్తున్నట్లు చెప్తున్నారు. ఇక ఈ చిత్రం ఓ థ్రిల్లర్ అని,మార్చి నుంచి షూటింగ్ మొదలు కానుందని సమాచారం. ఇక అక్షర ప్రస్తుతం మురగదాస్ దర్శకత్వంలో రూపొందుతున్న తుపాకి చిత్రంలో చేస్తోంది. హిందీలోనూ జిందగీ నా మిలేగీ దోబరా చిత్రంలో చేసింది. అలాగే మొదట సుకుమార్ ప్రక్కన ఈ పాత్రకు తమన్నాను అనుకున్నారు కానీ డేట్స్ ఇష్యూతో ఆగిపోయింది. ఈ చిత్రంలో మహేష్ బాబు లెక్చరర్ పాత్రలో కనపించనున్నారని చెప్తున్నారు. దూకుడు నిర్మించిన నిర్మాతలే ఈ సినిమాని ప్రొడ్యూస్ చేస్తున్నారు. ప్రస్తుతం మహేష్ ..సీతమ్మ వాకిట్లో సిరిమల్లె చెట్టు చిత్రం షూటింగ్ లో ఉన్నారు. అడ్డాల శ్రీకాంత్ డైరక్టర్ గా దిల్ రాజు నిర్మిస్తున్నారు.