‘అల’ వేడుకలు రద్దు.. వాటికి దూరంగా ఉండాలని బన్నీ ఫిక్స్

అల్లు అర్జున్ మేనమామ మరణం..

అల్లు అర్జున్ తల్లి నిర్మల దేవి పెద్దన్న .. అల్లు అర్జున్‌కి వరుసకు మామ అయిన ముత్తంశెట్టి ప్రసాద్ హఠాన్మరణం చెందారు. హార్ట్ అటాక్ కారణంగా ఆయన విజయవాడలో మృతి చెందారు. ఈ విషయం తెలిసి విజయానందంలో ఉన్న అల్లు ఫ్యామిలీ ఒక్కసారిగా షాక్ అయింది.

విజయవాడలో అల్లు ఫ్యామిలీ..

ముత్తంశెట్టి మరణవార్త విన్న అల్లు ఫ్యామిలీ హుటాహుటిన విజయవాడకు చేరుకుంది. ముత్తం శెట్టి అంతిమ కార్యక్రమాల్లో పాల్గొంటూ నివాళులు అర్పిస్తున్నారు. ఈ క్రమంలో అల్లు ఫ్యామిలీ మొత్తం విజయవాడలోనే ఉండబోతోందని తెలుస్తోంది.

వేడుకలకు దూరంగా..

అల వైకుంఠపురములో రూపంలో కెరీర్‌లో బిగ్గెస్ట్ సక్సెస్ వచ్చిందని సంతోషిస్తున్న టైమ్ లో ఈ ఘటన ఆ కుటుంబానికి శోకాన్ని మిగిల్చింది. ఈ క్రమంలో అల్లు ఫ్యామిలీ ఇకపై అల విజయోత్సవ వేడుకలకు దూరంగా ఉండాలని నిశ్చయించుకున్నట్లు టాక్.

తిరుపతి ఈవెంట్ రద్దు..

వైజాగ్‌లో ఆదివారం జరిగిన సక్సెస్ సెలెబ్రేషన్ ఏ రేంజ్‌లో వైరల్ అయిందో ప్రత్యేకంగా చెప్పనక్కర్లేదు. సక్సెస్ టూర్‌లో భాగంగా తిరుపతి, కర్ణాటక, కేరళలో కూడా ఈవెంట్స్ ప్లాన్ చేశారు. అయితే అనుకోని ఈ ఘటనతో సక్సెస్ సెలెబ్రేషన్స్‌కు దూరంగా ఉండాలని ఫిక్స్ అయిన బన్నీ.. తిరుపతి ఈవెంట్‌ను రద్దు చేసినట్టు తెలుస్తోంది.