Don't Miss!
- News ముగిసిన నామినేషన్ల పర్వం: బండి సంజయ్ సహా చివరి రోజు నామినేషన్లు వేసింది వీరే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
గబ్బర్ సింగ్ లో హైలెట్ అదేనట
పవన్ కళ్యాణ్ తాజా చిత్రం గబ్బర్ సింగ్ లో అలీ కామీడి అదరకొడుతుందని,అదే హైలెట్ గా నిలుస్తుందని ఫిల్మ్ నగర్ సమాచారం. పంచ్ డైలాగులతో మిరపకాయ చిత్రం నిలబెట్టిన హరీష్ శంకర్ ఈ చిత్రంలోనూ తన పెన్ పవర్ చూపి ఈ ఇద్దరి కాంబినేషన్ లో అద్బుతమైన కామిడీ వర్కవుట్ చేసాడని చెప్పుకుంటున్నారు. వీరిద్దరి మధ్యా వచ్చే హిలేరియస్ సన్నివేశాలకు పగలబడి నవ్వాల్సిందే అని చెప్తున్నారు. ఇక పవన్ కళ్యాణ్ గతంలో కూడా అలీ కాంబినేషన్ లో అదిరిపోయే సీన్స్ చేసారు. మొన్నటికి మొన్న విడుదలైన పంజా చిత్రంలో సైతం వీరిద్దరి సీన్స్ బాగానే పండాయి. ఇక ఈ చిత్రంలో పవన్ సరసన శృతి హాసన్ నటిస్తోంది.
'గబ్బర్సింగ్'లో ఓ ఢిఫెరెంట్ క్యారెక్టర్ లో కనిపించి అలరించనున్నాడు. ఆ క్యారక్టైజేషన్ గురించి యూనిట్ వర్గాలు చెప్తూ...చేసే పోలీస్ ఉద్యోగాన్ని తేలిగ్గా తీసుకుంటాడు. ఎదురున్న శత్రువుని కూడా తేలిగ్గానే తీసుకుంటాడు. లంచగొండి తనాన్నీ తేలిగ్గానే తీసుకుంటాడు. కావాలనుకుంటే తను కూడా లంచం తీసుకుంటాడు. కొట్టాలనిపిస్తే ఎవర్నయినా కొట్టేస్తాడు. మూడ్ లేకపోతే... ఎవర్నయినా వదిలేస్తాడు. కానీ అమ్మ, నాన్న, తమ్ముడు... ఇలాంటి సెంటిమెంట్లను మాత్రం చాలా సీరియస్గా తీసుకుంటాడు. ఇలాంటి డిఫరెంట్ కేరక్టరైజేషన్ పవన్ ఇంతకు ముందు చేయలేదు. హిందీలో సల్మాన్ ఖాన్ అబిమానులను ఆకట్టుకున్నది ఇది.
ఏప్రిల్ చివరి వారంలో ఈ చిత్రాన్ని ప్రేక్షకుల ముందుకు తెచ్చేందుకు సన్నాహాలు చేస్తున్నారు. 'గబ్బర్ సింగ్' చిత్ర ట్రైలర్ ప్రేమికుల దినోత్సవాన్ని పురస్కరించుకుని ఫిబ్రవరి 14న విడుదల చేసేందుకు సన్నాహాలు చేస్తున్నారని తెలుస్తోంది. అరోజు పలు కొత్త చిత్రాలు విడుదలవుతున్న నేపథ్యంలో అదే రోజు ఈ ట్రైలర్లను థియేటర్లలో విడుదల చేసేందుకు ప్రయత్నాలు చేస్తున్నట్లు తెలుస్తోంది. హిందీ సూపర్ హిట్ మూవీ 'దబాంగ్' రీమేక్ గా రూపొందుతున్న ఈ చిత్రంలో...పవన్ కళ్యాణ్ కొండవీడు పోలీస్ పాత్రలో కనిపించబోతున్నాడు. పల్లెటూరి అమ్మాయి పాత్రలో శృతిహాసన్ నటిస్తోంది. సుహాసిని, అభిమన్యు సింగ్, నాగినీడు కీలకపాత్రలు పోషిస్తున్నారు. ఈ చిత్రాన్ని శ్రీ పరమేశ్వరి ఆర్ట్స్ బ్యానర్ పై బండ్ల గణేష్ నిర్మిస్తున్నారు.