twitter
    For Quick Alerts
    ALLOW NOTIFICATIONS  
    For Daily Alerts

    ‘ఎవడు’లో అల్లు అర్జున్ పోలీస్ గెటపా? (ఫోటో)

    By Bojja Kumar
    |

    హైదరాబాద్ : మెగా పవర్ స్టార్ రామ్ చరణ్ హీరోగా రూపొందుతున్న 'ఎవడు' చిత్రంలో స్టైలిష్ స్టార్ అల్లు అర్జున్ గెస్ట్ రోల్ చేస్తున్న సంగతి తెలిసిందే. అయితే ఈ చిత్రంలో అల్లు అర్జున్ ఎలాంటి పాత్ర పోషిస్తున్నాడు? అనేది మాత్రం ఇప్పటి వరకు బయటకు రాలేదు. తాజాగా ఫిల్మ్ నగర్ నుంచి అందుతున్న సమాచారం ప్రకారం ఈ చిత్రంలో అల్లు అర్జున్ పోలీస్ ఆఫీసర్ పాత్రలో నటిస్తున్నట్లు తెలుస్తోంది.

    అల్లు అర్జున్ పోలీసాఫీసర్‌గా గెటప్‌లో ఉన్న ఒక ఫోటో నెట్లో దర్శనం ఇస్తుండటమే ఈ వార్తలకు కారణం. మరి ఇందులో నిజం ఎంతో తేలాల్సి ఉంది. ఇటీవల అల్లు అర్జున్ 'ఎవడు' చిత్రంలో తన పాత్ర గురించి వివరిస్తూ 'కేవలం అతిథి పాత్ర మాత్రమే చేస్తున్నానని, నా పాత్ర నిడివి కేవలం 5 నిమిషాలు మాత్రమే ఉంటుందని' స్పష్టం చేసారు.

    అల్లు అర్జున్ 'ఎవడు' చిత్రంలో పోలీస్ ఆఫీసర్ పాత్ర చేస్తున్న విషయం నిజమైతే....బన్నీ తొలిసారిగా అలాంటి పాత్రలో నటించిన చిత్రంగా ఈ సినిమా రికార్డులకెక్కనుంది. సినిమా హిట్టయితే....బన్నీతో పోలీస్ ఆఫీసర్ గెస్ట్ రోల్ చేయించడం ఓ సెంటిమెంటుగా మారినా ఆశ్చర్యపోనక్కర్లేదు.

    ఈ చిత్రం కాన్సెప్టు ఏమిటంటే... మంచికీ చెడుకీ, న్యాయానికీ అన్యాయానికీ యుద్ధం ఎప్పుడూ జరుగుతూనే ఉంటుంది. అధిపత్యం చేతులు మారినా... చివరికి విజయం మంచి వైపే ఉంటుంది. అయితే ధర్మం వైపు నిలబడి పోరాడేవాడు కావాలి. ఏ సమరమైనా ఒక్కడే మొదలుపెడతాడు. ఆ తరవాత సమూహం అతని వెంట నడుస్తుంది. మరి ఆ ఒక్కడు ఎవడు? ఎక్కడి నుంచి వచ్చాడు? ఈ విషయాలు తెలియాలంటే 'ఎవడు' చూడాల్సిందే అని అంటున్నారు. బన్నీ కనిపించేది తక్కువ సేపే అయినా ఆయన క్యారెక్టర్ సినిమాను మలుపు తిప్పుతుందట.

    'ఎవడు' లో రామ్ చరణ్ సరసన శ్రుతిహాసన్‌, అమీజాక్సన్‌ హీరోయిన్స్ . అల్లు అర్జున్‌, కాజల్‌ ప్రత్యేక పాత్రల్లో కనిపిస్తారు. దిల్‌ రాజు నిర్మాత. ప్రస్తుతం రామోజీ ఫిల్మ్‌సిటీలో పీటర్‌హెయిన్స్‌ ఆధ్వర్యంలో ఫైట్ సీన్స్ తెరకెక్కిస్తున్నారు. సహనిర్మాతలు: శిరీష్‌, లక్ష్మణ్‌; సంగీతం: దేవిశ్రీప్రసాద్‌.

    English summary
    Mega Power Star Ram Charan, Sruthi Hassan, Amy Jackson starrer "Yevadu" directed by vamsi paidipally is set for summer release. Latest buzz circulating around FilmNagar is that Allu Arjun acting as Cop in Yevadu.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X