Don't Miss!
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- News వల్లభనేని వంశీకి షాకిచ్చేలా యార్లగడ్డతో చంద్రబాబు వ్యూహం!!
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Finance Medicines News: కిరాణా కొట్టులో మందుల విక్రయం.. మోదీ సర్కార్ సంచలన నిర్ణయం..!!
- Lifestyle ప్రాణాలకు ముప్పు ఉందని తెలిపే హీట్ స్ట్రోక్ లక్షణాలు
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
బన్నీ కూడా భారీ ప్లాన్ వేశాడు.... సొంతగా ఎదిగేందుకేనా?
Recommended Video
దీపం ఉన్నప్పుడే ఇల్లు చక్కదిద్దుకోవాలి. ఇపుడు ఇదే సూత్రాన్ని టాలీవుడ్ టాప్ స్టార్లు ఫాలో అవుతున్నారు. హీరోగా బాగా సంపాదిస్తున్న సమయంలోనే సొంతగా వ్యాపారాలు, ఫిల్మ్ ప్రొడక్షన్స్ లాంటివి మొదలు పెడుతున్నారు. ఇలా చేయడం ద్వారా భవిష్యత్తులో ఫైనాన్షియల్గా ఎలాంటి ఇబ్బందులు లేక పోవడంతో పాటు.... రాబోయే కాలంలో సినిమా వ్యాపారంలో తమ ఆధిపథ్యం తగ్గకుండా ప్లాన్ చేసుకుంటున్నారు.
పవన్ కళ్యాణ్ ఇప్పటికే
పవర్ స్టార్ పవన్ కళ్యాణ్ ప్రస్తుతం టాలీవుడ్లో టాప్ హీరో. హీరోగా కోట్లలో రెమ్యూనరేషన్ అందుకునే ఆయన రాజకీయాల వైపు వెళుతున్న నేపథ్యంలో భవిష్యత్తులో నటించే సినిమాల సంఖ్య తగ్గుతుందని టాక్. అందుకే నటుడిగా ఉన్నపుడే సొంతగా ‘పికె క్రియేటివ్ వర్క్స్' అనే నిర్మాణ సంస్థను స్థాపించారు. ఆల్రెడీ ఈ సంస్థపై సినిమా నిర్మాణం కూడా సాగుతోంది. రేపు ఆయన నటుడిగా సినిమాలు తగ్గించినా... నిర్మాతగా కంటిన్యూ అవ్వడానికే ఇదంతా అని ప్రత్యేకంగా చెప్పక్కర్లేదు.
మహేష్ బాబు కూడా
మరో టాలీవుడ్ టాప్ హీరో మహేష్ బాబు కూడా ‘మహేష్ బాబు ఎంటర్టెన్మెంట్స్ ప్రై.లి' పేరుతో సొంత ప్రొడక్షన్ హౌస్ ప్రారంభించారు. ఈ బేనర్లో శ్రీమంతుడు, బ్రహ్మోత్సవం లాంటి చిత్రాలు నిర్మించిన సంగతి తెలిసిందే.
దూసుకెలుతున్న రామ్ చరణ్
మెగా పవర్ స్టార్ రామ్ చరణ్ కూడా సొంతంగా ‘కొణిదెల ప్రొడక్షన్స్' స్థాపించి తొలిసి సినిమాగా ‘ఖైదీ నెం. 150' చిత్రం నిర్మించి భారీ విజయం అందుకున్నారు. ఇపుడు రెండో ప్రాజెక్టుగా రూ. 100 కోట్ల పైగా ఖర్చు పెట్టి ‘సైరా నరసింహారెడ్డి' సినిమా నిర్మిస్తున్నారు.
సొంత నిర్మాణ సంస్థ దిశగా బన్నీ
టాలీవుడ్ టాప్ స్టార్లలో ఒకరైన బన్నీకూడా సొంతగా నిర్మాణ సంస్థ నెలకొల్పేందుకు ప్లాన్ చేసుకుంటున్నారు. ఆల్రెడీ ఇందుకు సంబంధించి ఫార్మాలిటీస్ పూర్తయ్యాయని, త్వరలోనే ఈ ప్రొడక్షన్ హౌస్ లాంచ్ చేసేందుకు ప్లాన్ చేస్తున్నట్లు సమాచారం.
బన్నీ నిర్మించే సినిమా
బన్నీ తన సొంత బేనర్లో నిర్మించే సినిమా కూడా ఆల్రెడీ ఖరారైందని, ఈ సినిమాతో పాటు ప్రొడక్షన్ హౌస్ లాంచ్ చేసేందుకు ప్లాన్ చేస్తున్నరని సమాచారం. బాక్సింగ్ నేపథ్యంలో ఈ చిత్రం ఉంటుందని, 2018 ఏప్రిల్ లో ఇది లాంచ్ అయ్యే అవకాశం ఉందని టాక్.
షూటింగులో బన్నీ బిజీ బిజీ
ప్రస్తుతం అల్లు అర్జున్ ‘నా పేరు సూర్య నా ఇల్లు ఇండియా' అనే సినిమా షూటింగులో బిజీగా గడుపుతున్నారు. ఏప్రిల్ లేదా మే నెలలో ఈ చిత్రం విడుదల కానుంది. వక్కతం వంశీ ఈ చిత్రానికి దర్శకుడు.