సైరాలో అల్లు అర్జున్.. మెగాస్టార్ ఆసక్తి మేరకే.. పాత్ర ఏంటంటే..!

ముఖ్య పాత్రలో అల్లు అర్జున్

సైరా చిత్రంలోని ఓ కీలక పాత్రలో అల్లు అర్జున్ నటించనున్నారనే విషయం మీడియాలో వైరల్‌గా మారింది. గతంలో రుద్రమదేవి లాంటి చారిత్రక నేపథ్యం ఉన్న చిత్రంలో నటించి మెప్పించిన సంగతి తెలిసిందే. తాజాగా మెగా ఫ్యామిలీ కోరిక మేరకు అల్లు అర్జున్ సైరాలో కనిపించబోతున్నాడట.

స్టైలిష్ స్టార్ అల్లు అర్జున్ పాత్ర గురించి

సైరాలో అల్లు అర్జున్ పాత్రకు సంబంధించిన వివరాలు త్వరలోనే వెల్లడికానున్నాయి. అయితే ఆ సినిమాలోని పాత్రకు సంబంధించిన షూట్ ఇంకా చేయలేదని, కొద్ది రోజుల్లో అల్లు అర్జున్ సైరా షూటింగ్‌లో పాల్గొంటారు అని సినీ వర్గాలు పేర్కొంటున్నాయి.

గెడ్డం లుక్ అందుకేనా?

ఇటీవల కాలంలో అల్లు అర్జున్ కొత్త లుక్‌లో కనిపిస్తున్నారు. గెడ్డం పెంచి రఫ్‌గా కనిపించడం సైరా కోసమే అని ప్రచారం జరుగుతున్నది. అల్లు అర్జున్ ఏ పాత్రలో నటిస్తున్నాడు అనే విషయాలపై ఇంకా స్పష్టత లేదు. అల్లు అర్జున్‌ను సైరాలో నటింపజేసేందుకు మెగాస్టార్ చిరంజీవి ఆసక్తి చూపారనేది వార్త సారాంశం.

మార్చిలో షూటింగ్‌కు..

సైరా షెడ్యూల్ ప్రకారం అంతా అనుకున్నట్టు జరిగితే మార్చి నెలలో అల్లు అర్జున్ షూటింగ్‌కు హాజరయ్యే అవకాశం ఉందని చిత్ర యూనిట్ సమాచారం. ఒకవేళ డేట్స్ సమస్య గానీ, ఇతర కారణాలు అవాంతరాలు తలెత్తితే మరో నటుడిని ఎంపిక చేసే అవకాశం లేకపోలేదని వినిపిస్తున్నది. సైరాలో అవకాశం వస్తే అల్లు అర్జున్ వదులుకోవడం జరుగదని మరో వాదన కూడా వినిపిస్తున్నది.