హోమ్

గాసిప్స్

తెలుగు సినిమా బడ్జెట్ ఈవేళ అంతకంతకు పెరిగిపోతోంది. ఒకళ్లని చూసి మరొకళ్లు పెంచేసుకుంటున్నారు. తమ మార్కెట్, స్థాయిలను మరచి మరీ చిత్రనిర్మాణానికి ఖర్చు పెట్టేస్తున్నారు. ఈవేళ స్టార్ హీరో సినిమా అంటే మినిమం 30 కోట్లు అవుతోంది. ఈ నేపథ్యంలో అల్లు అర్జున్ ప్రస్తుతం చేస్తున్న 'బద్రీనాథ్' సినిమా బడ్జెట్ 40 కోట్లు అంటున్నారు. ఇదే ఎక్కువనుకుంటుంటే, దీని తర్వాత అర్జున్ చేయబోయే సినిమా బడ్జెట్ 50 కోట్లట!

'బద్రీనాథ్' రిలీజ్ తర్వాత ఈ సినిమా ప్రారంభం అవుతుంది. దీనికి సెల్వ రాఘవన్ ('ఆడు వారి మాటలకు అర్ధాలు వేరులే' ఫేం) దీనికి దర్శకుడు. ఇందులో గ్రాఫిక్స్ కి ఎక్కువ ప్రాధాన్యత ఉంటుందట. చారిత్రిక కథాంశంతో కూడిన ఈ కథ అర్జున్ కి బాగా నచ్చి, గ్రీన్ సిగ్నల్ ఇచ్చినట్టు తెలుస్తోంది. తెలుగు, తమిళ, మలయాళ భాషల్లో ఒకేసారి దీనిని నిర్మించడానికి ప్లాన్ చేస్తున్నారు. వేసవి తర్వాత సెట్స్ కు వెళ్లే ఈ చిత్రం ఈ ఏడాదే రిలీజ్ అవుతుంది