ఇండస్ట్రీ హిట్‌గా అల వైకుంఠపురములో.. అల్లు అర్జున్ రెమ్యూనరేషన్ ఎంతంటే..?

ఆల్ టైమ్ ఇండస్ట్రీ హిట్..

సంక్రాంతి బరిలో దిగిన అల వైకుంఠపురములో ఇప్పటికీ వసూళ్లను కొల్లగొడుతూనే ఉంది. మొదటి ఆట నుంచి మొదలు పెట్టిన వసూళ్ల వేట ఇప్పట్లో ఆగేలా కనిపించడం లేదు. విడుదలైన అన్ని చోట్లా అల వైకుంఠపురములో సక్సెస్‌ఫుల్‌గా దూసుకుపోతోంది. ఇప్పటికే తెలుగు రాష్ట్రాల్లో 116.44 కోట్ల రూపాయల షేర్ వసూలు చేసింది.

టాప్ 3లో..

రెండు తెలుగు రాష్ట్రాల్లో ఈ చిత్రం బాహుబలి రికార్డులకే ఎసరు పెట్టింది. ఇప్పటికే బాహుబలి మొదటి పార్ట్ రికార్డులను బ్రేక్ చేసింది. ఆంధ్ర, తెలంగాణలో టాప్-3 షేర్స్ తీసుకుంటే బాహుబలి- 2 (198.7 కోట్లు), అల వైకుంఠపురములో (116.44 కోట్లు), బాహుబలి (110.1 కోట్లు) వరుసగా ఉన్నాయి.

సంయుక్తంగా నిర్మించిన చిత్రం..

ఇంతటి భారీ విజయాన్ని అందుకున్న అల వైకుంఠపురుములో చిత్రాన్ని హారిక అండ్ హాసిని క్రియేషన్స్, గీతా ఆర్ట్స్ సంయుక్తంగా నిర్మించాయి. నిర్మాణ, ఫైనాన్స్ బాధ్యతలన్నీ హారిక హాసినియే చూసిందని, కేవలం సమర్పకుడిగా అరవింద్ వ్యవహరించాడు. తాజాగా అల్లు అర్జున్ రెమ్యూనరేషన్, అల్లు అరవింద్ వాటాలకు సంబంధించిన అప్‌డేట్ హల్ చల్ చేస్తోంది.

అల్లు అర్జున్ రెమ్యూనరేషన్..

అల వైకుంఠపురములో చిత్రానికి గానూ బన్నీ రెమ్యూనరేషన్‌ విషయమై వార్తలు వైరల్ అవుతున్నాయి. ఈ సినిమాకు గానూ బన్నీ దాదాపు 24కోట్లు తీసుకున్నాడని టాక్. ఇవి కాక అల్లు అరవింద్ ఖాతాలో కూడా భారీగానే చేరబోతోన్నట్టు తెలుస్తోంది. ఇక ఈ సినిమాను డిస్ట్రిబ్యూట్ చేసిన వారందరికీ పెద్ద మొత్తంలో లాభాలు వచ్చినట్టు.. ఇంకా వస్తున్నట్లు సమాచారం.