బంధిపోటుగా అల్లు అర్జున్.. అదే కథను సుకుమార్ ఇలా సెట్ చేశాడా?

బంధిపోటుగా అల్లు అర్జున్?

అల్లు అర్జున్ - సుకుమార్ సినిమా గురించి రకరకాల ప్రచారం జరుగుతోంది. ఈ చిత్రంలో బన్నీ... బంధిపోటుగా కనిపించబోతున్నట్లు తెలుస్తోంది. బన్నీ బాడీ లాంగ్వేజ్‌కు తగిన విధంగా కథను డిజైన్ చేశారట. అందుకు తగిన విధంగా కొన్ని మార్పులు చేశారట.

ఎర్రచందనం స్మగ్లింగ్ గురించి...

శేషాచలం అడవుల బ్యాక్ డ్రాపుతో ఎర్ర చందనం స్మగ్లింగ్ నేపథ్యంలో బన్నీ-సుక్కు మూవీ ఉంటుందనే వార్తలు ప్రచారంలోకి వచ్చాయి. థ్రిల్లర్‌గా ఈ చిత్రాన్ని ప్లాన్ చేస్తున్నారని టాక్. మరి ఈ వార్తల్లో నిజం ఎంత అనేది తేలాల్సి ఉంది.

భారీ బడ్జెట్‌తో ప్లాన్ చేస్తున్న మైత్రి మూవీ మేకర్స్

‘రంగస్థలం' సినిమా భారీ విజయం సాధించడంతో సుకుమార్ మీద మైత్రి మూవీ మేకర్స్ పూర్తి నమ్మకం పెట్టారని, బన్నీతో చేయబోయే చిత్రాన్ని భారీ బడ్జెట్‌తో నిర్మించబోతున్నట్లు తెలుస్తోంది. త్వరలో ఈ ప్రాజెక్టుకు సంబంధించిన పూర్తి వివరాలు వెల్లడికానున్నాయి.

అనిల్ రావిపూడికి గ్రీన్ సిగ్నల్ ఇచ్చిన మహేష్ బాబు

సుకుమార్‌తో చేయాలనుకున్న సినిమా రద్దు కావడంతో మహేష్ బాబు వెంనటే ‘ఎఫ్ 2' ఫేం అనిల్ రావిపూడికి గ్రీన్ సిగ్నల్ ఇచ్చారు. త్వరలోనే ఈ చిత్రానికి సంబంధించిన అఫీషియల్ ప్రకటన వెలువడనుంది. అనిల్ సుంకర ఈ చిత్రాన్ని నర్మించబోతున్నారు.